podcast.mahasi.org.mm
Open in
urlscan Pro
54.164.140.95
Public Scan
URL:
https://podcast.mahasi.org.mm/
Submission: On July 29 via api from US — Scanned from CA
Submission: On July 29 via api from US — Scanned from CA
Form analysis
0 forms found in the DOMText Content
Cancel * Home * Subscribe * Profile * MAHASI DHAMMA PODCAST - မဟာစည်တရားတော်များ https://podcast.mahasi.org.mm/feed.xml 4.8K Downloads 311 Episodes Share RSS မဟာစည်ဆရာတော်ဘုရားကြီး ဟောကြားတော်မူခဲ့သည့် တရားတော်များမှာ ၁၃၈၅-ခုနှစ် သီတင်းကျွတ်လအထိ စာရင်းများအရ ၄၅၀-ပုဒ် ခန့် ရှိပါသည်။ မဟာစည်ဆရာတော်ဘုရားကြီးနှင့် မင်းကွန်းဆရာတော်ဘုရားကြီးတို့ မေးမြန်းဖြေဆိုထားသည့် ဆဋ္ဌသံဂါယနာတင် ပါဠိတော်အမေးအဖြေများ ကိုထည့်သွင်းမည်ဆိုလျှင် တရားတော်စာရင်းမှာ ယခုထက် ပိုမိုပါလိမ့်မည်။ ခေတ်အဆက်ဆက် တိပ်ရီကော်ဒါ၊ ကက်ဆက်၊ CD-DVD ဖွင့်စက်၊ MP3 ဖွင့်စက် တို့ဖြင့် စဉ်ဆက်မပြတ် ဖြန့်ချိလာခဲ့သည့် မဟာစည်တရားတော်များကို ဗုဒ္ဓသာသနာနုဂ္ဂဟအဖွဲ့က ၁၃၈၅-ခုနှစ် သီတင်းကျွတ်လ မှ စ၍ အင်တာနက်ပေါ်မှ နာယူနိုင်သည့် Mahasi Dhamma Podcast - မဟာစည်တရားတော်များ-ပေါ့ဒ်ကပ်(စ်) အဖြစ် ကမ္ဘာအရပ်ရပ်မှ တရားလိုလားသူများနာယူတော်မူနိုင်ရန် ထုတ်လွင့်ပေးလျက်ရှိပါသည်။ မဟာစည်တရားတော်များ-ပေါ့ဒ်ကပ်(စ်) ကို Apple iTune, Google Podcast, Amazon Music နှင့် အခြားကျော်ကြားသည့် Podcast Directories များပေါ်တွင် ကြေငြာလွင့်တင်ထားရှိပါသည်။ မဟာစည်ပေါ့ဒ်ကပ်(စ်)ဓမ္မဒါနကုသိုလ်၊ အကြံပြုလိုသည်များနှင့် အသေးစိတ်သိလိုသည်များကို မဟာစည်ကျမ်းစာအုပ်အရောင်းဆိုင်၊ အမှတ် ၁၆၊ သာသနာ့ရိပ်သာလမ်း၊ ဗဟန်းမြို့နယ်၊ ရန်ကုန်မြို့။ဖုန်း- (+၉၅၉) ၉၅၂၁၉၈၈၀၂၊ အီးမေးလ်- mahasi.meditationcenter@gmail.com သို့ ဆက်သွယ်ဆောင်ရွက်နိုင်ပါသည်။ ----------------------------------------------- မဟာစည် တရားတော်များကို နာယူသည့်အခါ တရားတော်အချို့တွင် အနည်းငယ် အသံ မကြည်လင်ခြင်း၊ အသံ နှေးခြင်း၊ အသံ မြန်ခြင်းတို့ ပါရှိသည်ကို သတိပြုမိကြပါလိမ့်မည်။ အကြောင်းမှာ အသံဖမ်းယူစဉ်က အသုံးပြုခဲ့သည့် ၇” တိပ်ရီကော်ဒါစက်များ၏ နည်းပညာနှင့် တိပ်ခွေများကို ကော်ပီပွားရယူသည့်အခါ တိပ်ရီကော်ဒါစက် မော်တာမြန်နှုူန်းများ အနည်းငယ် ကွာခြားခြင်းကြောင့် ဖြစ်ပါသည်။ မဟာစည် မီဒီယာအဖွဲ့အနေဖြင့် ၁၃၈၅-ခုနှစ် သီတင်းကျွတ်လမှစ၍ တရားတော်များကို လွှင့်ထုတ်ရာတွင် (၁) တရားတော် အသံများကို မူရင်းအတိုင်း ထားရှိလိုခြင်း၊ (၂) ရှေးက ဖမ်းယူခဲ့သည့် အသံအတိုင်း တရားနာပရိသတ်တို့အား နာယူစေလိုခြင်းတို့ကြောင့် တရားတော် အသံများကို တည်းဖြတ်ခြင်း၊ ပေါင်းစပ်ခြင်း၊ ထုတ်ပယ်ခြင်း၊ အသံ အရည်အသွေး ပြုပြင်ခြင်းတို့ ပြုလုပ်မထားပါ။ သို့သော် နာယူရန် ခက်ခဲနေသည့် တရားတော်အနည်းငယ်ကိုမူ နာယူရန်အဆင့် အသံအရည်အသွေးရရှိရန် Digital Audio Editing Software အသုံးပြု၍ တည်းဖြတ်ပြင်ဆင်ထားကြောင်း အသိပေးအပ်ပါသည်။ မဟာစည်ဆရာတော်ဘုရားကြီးဟောကြားတော်မူခဲ့သည့်တရားတော်များ ခေတ်အဆက်ဆက်တည်တံ့နေပုံ မဟာစည်ဆရာတော်ဘုရားကြီးသည် ၁၃၀၀-ပြည့် ရွှေဘိုမြို့ ဆိပ်ခွန် မဟာစည်သာသနာ့ရိပ်သာတွင် ကမ္မဋ္ဌာန်းတရားစတင်ပြသတော်မူသည် မှ ရန်ကုန်မြို့သာသနာ့ရိပ်သာသို့ ကြွရောက်သီတင်းသုံး၍ စံလွန်တော်မူသည့် ၁၃၄၄-ခုနှစ်တိုင်၊ ၄၄-နှစ်တာကာလအတွင်း– သတိပဋ္ဌာန်-ဝိပဿနာတရားတော်၊ ကမ္မဌာန်းတရားတော်၊ ဗုဒ္ဓဝါတော်စဥ်တရားတော်၊ သြဝါဒတရားတော် နှင့် အနုမောဒနာတရားတော် များစွာတို့ကို ပြည်တွင်း-ပြည်ပ တရားဟောဌာနများစွာတို့တွင် ရဟန်း, ရှင်, လူပရိတ်သတ် များစွာတို့ ကို ဟောကြားပြသဆုံးမတော်မူခဲ့ပါသည်။ ၁၃၂၄/၁၉၆၂-ခုနှစ် ဆဋ္ဌသံဂါယနာတင်ပွဲကျင်းပပြီးစီးသည့်နောက်မှ စ၍ ဗုဒ္ဓသာသနာနုဂ္ဂဟအဖွဲ့ချုပ် အတွင်းရေးမှူး ဦးသိန်းအောင်၊ ကျောင်းဒယကာ ဦးကြင်ပိုး၊ B.A B.L တရားသူကြီးဦးသိန်းဟန် စသည့် ပုဂ္ဂိုလ်ကြီးများသည် မဟာစည်ဆရာတော်ဘုရားကြီး၏ တရားတော်များကို ရေရှည်တည်တံ့ ပြန့်ပွား စေခြင်း အကျိုးငှာ တရားပွဲအစဉ်တိုင်းကို (Reel) တိပ်ရီကော်ဒါများဖြင့် အသံဖမ်းယူခဲ့ကြပါသည်။ တရားတော်ခေါင်းစဉ်၊ ဟောကြားတော်မူခဲ့သည့်နေ့၊ တိပ်အသံဖမ်းခြင်းနှင့် ဆိုင်သည့် အချက် အလက်များ ကို တိပ်ရီကော်ဒါခွေများ နှင့် တိပ်ခွေအဖုံးများပေါ်တွင် မှတ်သားဖော်ပြခဲ့ကြပါသည်။ ၁၃၄၁-ခုနှစ် နောက်ပိုင်း (၁၉၈၀-ခုနှစ် နောက်ပိုင်း) တွင် C-60, C-30 တိပ်ခွေများနှင့် ဖွင့်နိုင်သည့် ကက်ဆက်-တိပ်ရီကော်ဒါများ အသုံးများသည့်ကာလသို့ ရောက်ရှိလာပြီး ယခင်အသုံးပြုခဲ့သည့် အသံဖမ်း (Reel) တိပ်ရီကော်ဒါများ နှင့် (Reel) တရားတော်တိပ်ခွေအသုံးပြုမှုများ လျော့နည်းလာ ခဲ့ပါသည်။ နှစ်ကာလကြာမြင့်လာသည့် (Reel) တိပ်ခွေများ၏ သံလိုက်အားများ လျော့နည်းခြင်း၊ တိပ်သားများ ပျက်စီးခြင်း၊ (Reel) တိပ်ရီကော်ဒါများ၏ အပိုပစ္စည်းများထပ်မံမထုတ်လုပ်တော့ခြင်း စသည့်အကြောင်း များကြောင့် ဗုဒ္ဓသာသနာနုဂ္ဂဟအဖွဲ့က (Reel) တိပ်ခွေတရားတော်များကို ကက်ဆက်-တိပ်ရီကော်ဒါ များဖွင့်နိုင်သည့် C-60 ကက်ဆက်တိပ်ခွေတရားတော်များအဖြစ် စတင်ကူးယူ၍ မဟာစည်တရားတော် တိပ်ခွေများကို ကျမ်းစာအုပ်များနှင့်အတူ ဖြန့်ချိခဲ့ပါတော့သည်။ နှစ်ကာလ ကြာမြင့်သည်ဖြစ်၍ အချို့သော (အနည်းငယ်သော) (Reel) တိပ်ခွေများ၏ တရားတော်အသံများကို ကူးယူနိုင်ခြင်းမရှိခဲ့ပါ။ ၂၀၀၃-ခုနှစ်တွင် ဗုဒ္ဓသာသနာနုဂ္ဂဟအဖွဲ့ ဥက္ကဋ္ဌ ကြီး ဦးဝင်းထိန် (၂၀၀၇ – ၂၀၁၄) ဦးဆောင်၍ ကိုရဲထွန်းအောင်၊ ကိုမောင်မောင်သန့် (ရွှေပုစွန်) ၊ မဟာစည်သာသနာ့ရိပ်သာအသံဖမ်း ဦးဝင်းတင် တို့ သည် C-60 တိပ်ခွေများမှ တရားတော်များ ကို MP3 ဖိုင်များအဖြစ် စတင်ပြောင်းလဲခဲ့ကြပါသည်။ သို့သော် C-60 ကက်ဆက်တိပ်ခွေများဖြင့်ကူးပြောင်းရရှိသည့် တရားတော်များတွင် မဟာစည်တရားတော်များ အားလုံး မပါဝင်သေးသဖြင့် ၂၀၀၇/၈-ခုနှစ်တွင် ဗုဒ္ဓသာသနာနုဂ္ဂဟ အဖွဲ့ ဥက္ကဋ္ဌကြီး ဦးဝင်းထိန် ဦးဆောင်၍ မဟာစည် ပရိယတ္တိပဋိပတ္တိ စာပေပြန့်ပွားရေးအဖွဲ့ အုပ်ချုပ် ရေးမှူး ဦးအေးမြင့် နှင့် မဟာစည် အသံဖမ်း ဦးဝင်းတင်တို့သည် မဟာစည်တရားတော် (Reel) ခွေများကို တေးပုလဲ-တေးသံသွင်း ကိုစန်းလွင် နှင့် ဆက်သွယ်၍ MP3 တရားတော်များအဖြစ် ပြောင်းလဲဆောင်ရွက်ခဲ့ရာ– ၂၀၀၉-၂၀၁၀-ခုနှစ် တွင် မဟာစည်တရားတော် များ အားလုံး၏ ၈၀% ခန့်ကို ပြောင်းလဲပြီးစီးခဲ့ပါသည်။ ပြောင်းလဲပြီး သည့် မှတ်တမ်းကို “Master Reel များမှ ကူးယူ ထားသော DVD, VCD, MP3 ခွေများနှင့် နေ့စဉ် ဟောကြားသော တရားတော်များ မှတ်တမ်း စာရင်း” စာအုပ်တွင် ဖော်ပြထား သည်ကိုတွေ့ရှိ ရပါသည်။ မဟာစည်သာသနာ့ရိပ်သာကြီးတွင် ၁၉၆၃-ခုနှစ် မှ ၁၉၇၄-ခုနှစ် အထိ ဗုဒ္ဓသာသနာနုဂ္ဂဟအဖွဲ့ချုပ် အတွင်းရေးမှူး တာဝန်ထမ်းဆောင်ခဲ့သည့် ဦးသိန်းအောင်သည် တရားတော်များကို အသံဖမ်းယူခဲ့စဉ် မိမိကိုယ်ပိုင် သီးသန့်သိမ်းဆည်းရန်ရည်ရွယ်၍ (Reel) တိပ်ခွေမူပွားတစ်ခုကို ကူးယူသိမ်းဆည်းခဲ့ပါသေး သည်။ ထိုသိမ်းဆည်းခဲ့သည့် (Reel) တရားခွေများကို ဦးသိန်းအောင် မကွယ်လွန်မီကပင် ပဏ္ဍိတာရာမ-ရွှေတောင်ကုန်းဆရာတော်ကြီးထံ လှူဒါန်းအပ်နှံခဲ့ပါသည်။ (စကားချပ်။ ။ ဤတရားတော်များတွင် ဗုဒ္ဓသာသနာနုဂ္ဂဟအဖွဲ့ MP3 ပြောင်းလဲပြီးဖြစ်သည့် တရားတော်များတွင် မပါရှိသေးသည့် တရားတော် များပါဝင်ပါသည်။) ၂၀၁၀-ခုနှစ်သို့ ရောက်ရှိသည့်အခါ ပဏ္ဍိတာရာမ-ရွှေတောင်ကုန်းသာသနာ့ရိပ်သာတွင် သီတင်းသုံးသည့် ဆရာလေးဒေါ်အရိယာက မဟာစည်တရားတော်များကို အရှည်တည်တံ့စေရန် ဦးသိန်းအောင် လှူဒါန်းခဲ့သည့် (Reel) တရားတော်ခွေများကို MP3 အသံဖိုင်များအဖြစ် ကူးပြောင်းရန် ဆောင်ရွက်ခဲ့ ပါသည်။ ထိုအချိန်တွင် (Reel) တိပ်ရီကော်ဒါများမှာ အသုံးပြုမှုမရှိသလောက် နည်းပါးနေပြီ ဖြစ်သော်လည်း ရွှေတောင်ကုန်းဆရာတော်ကြီး၏ တပည့်အမေရိကန်ယောဂီ Andrew က ဆရာလေး ဒေါ်အရိယာတို့၏ MP3 ကူးပြောင်းခြင်း လုပ်ငန်းတွင် အသုံးပြုရန် SONY TC-377 Tape Recorder တလုံးကို (အင်တာနက်ပေါ်မှ) ဝယ်ယူလှူဒါန်းခဲ့ပါသည်။ သို့သော် အိမ်သုံးတိပ်ရီကော်ဒါ ဖွင့်စက်ဖြစ်သဖြင့် ပြောင်းလဲရရှိသည့် MP3 တရားတော်များ၏ အသံကြည်လင်မှုကို ဆရာလေးဒေါ်အရိယာ မှာ အားမရ ဖြစ်နေခဲ့သည့်အပြင် များပြားလှသည့် တရားတော်များကို ဆောင်ရွက်ရခြင်းကြောင့် ဆရာလေး ဒေါ်အရိယာတို့၏ MP3 ကူးပြောင်းသည့်လုပ်ငန်းမှာ ဝန်နှင့်အား မမျှပဲ ဖြစ်နေခဲ့ရပါသည်။ ထို့နောက် ဆရာလေးအရိယာ က ပဏ္ဍိတာရာမ-ရွှေတောင်ကုန်းသာသနာ့ရိပ်သာအမှုဆောင်ဖြစ်သူ ဒေါက်တာဝင်းနိုင်ထွန်းကို ပြောပြခဲ့ပါသည်။ ဒေါက်တာဝင်းနိုင်ထွန်းက ဆရာလေးအရိယာ တို့ ဆောင်ရွက်လျက်ရှိသည့် (Reel) တရားတော်အခွေများကို ဌားရမ်း၍ ပိုမိုအရည်အသွေး ကောင်းမွန်သည့် MP3 ဖိုင်များအဖြစ် ပြောင်းလဲနိုင်ပါရန် ဓမ္မမိတ်ဆွေဒေါက်တာဝင်းနိုင်ကျော်အား ပေးအပ်ခဲ့ပါ သည်။ ဒေါက်တာဝင်းနိုင်ကျော်က မဟာစည်သာသနာ့ရိပ်သာ ဗုဒ္ဓသာသနာနုဂ္ဂဟအဖွဲ့ ဥက္ကဋ္ဌကြီး ဦးဝင်းထိန်၊ ဦးဝင်းထိန်တို့နှင့် သိကျွမ်းသည့် တေးပုလဲ-တေးသံသွင်း ကိုစန်းလွင် စသည့်ပုဂ္ဂိုလ် များနှင့် ဆက်သွယ်၍ ပဏ္ဍိတာရာမ-ရွှေတောင်ကုန်းသာသနာ့ရိပ်သာရှိ (Reel) တိပ် ခွေတရားတော်များ ကို MP3 အသံဖိုင်များသို့ ကူးပြောင်းခြင်းကို ဆောင်ရွက်ခဲ့ပါတော့သည်။ ထိုသို့ဆောင်ရွက်လျက်ရှိကြောင်းကို ဆိပ်ခွန်-မဟာစည်သာသနာ့ရိပ်သာ ဆရာတော်များ၊ အင်ဂျင်နီယာ-ဦးထွန်းမြင့်လင်း (မဟာစည်ယောဂီဟောင်း ဦးညိုမောင် နှင့် ဒေါ်ထူးတို့၏သားဖြစ်သူ) စသည့် ဆရာတော် များ နှင့် ပုဂ္ဂိုလ်အသီးသီးတို့ သိရှိလာကြသည့်အခါ ၎င်းတို့လက်ဝယ်တွင် ထိန်းသိမ်းထားရှိသည့် တရားတော် (Reel) တိပ်ခွေများကို ဒေါက်တာဝင်းနိုင်ကျော်ထံ MP3 အသံဖိုင်များ ကူးပြောင်းနိုင်ရန် ပေးအပ်ခဲ့ကြပါသည်။ ဗုဒ္ဓသာသနာနုဂ္ဂဟ အဖွဲ့အတွင်းရေးမှူး ဦးသိန်းအောင်၏ ပဏ္ဍိတာရာမ-ရွှေတောင်ကုန်းသာသနာ့ ရိပ်သာရှိ (Reel) တရားတော်တိပ်ခွေများ၊ ဆိပ်ခွန်မဟာစည်သာသနာ့ရိပ်သာရှိ (Reel) တရားတော်တိပ်ခွေများ၊ မဟာစည်ယောဂီဟောင်း ဦးညိုမောင်-ဒေါ်ထူးတို့၏ (Reel) တရားတော် တိပ်ခွေများ အားလုံးပေါင်းလျှင် ၁၂၇-ခွေ ခန့်ရှိပါသည်။ ၄င်းတို့ကို ဒေါက်တာဝင်းနိုင်ကျော်က တေးပုလဲတေးသံသွင်းသို့ အကြိမ် ၁၀ ကြိမ် ခွဲပို့ဆောင်၍ (Reel) ရီကော်ဒါဖွင့်စက် နှင့် MP3 အသံဖိုင် များအဖြစ် ပြောင်းလဲကာ Computer Hard-disk များတွင် သိမ်းဆည်းနိုင်ခဲ့ပါသည်။ တေးပုလဲ-ဦးစန်းလွင်၏ (Reel) ရီကော်ဒါစက်စွမ်းဆောင်နိုင်မှုအရ တရားတော်များကို ၁-နာရီကြာ MP3 အသံဖိုင်များအဖြစ် ပြောင်းယူပေးခဲ့ပါသည်။ ဒေါက်တာဝင်းနိုင်ကျော် က ထို ၁-နာရီ တရားတော် MP3 အပိုင်းများကို (မူလတရားတော်များကို အသံဖမ်းယူခဲ့သူ ဦးသိန်းအောင်၏ အမှတ်အသားများ အတိုင်း) ပေါင်းစပ် ပေးနိုင်ခဲ့ပါသည်။ တစ်နှစ်ခန့်အချိန်ယူ ဆောင်ရွက်ခဲ့ရပြီးနောက် ထို (Reel) တိပ်ခွေများကို MP3 တရားတော်အသံဖိုင်များအဖြစ် ကူးပြောင်းနိုင်ခဲ့ပါတော့သည်။ ပြောင်းလဲရရှိသည့် မဟာစည် MP3 တရားတော်များမှာ မဟာစည်သာသနာ့ရိပ်သာ (Reel) တိပ်ခွေ များမှ ၈၀%-ခန့်၊ ပဏ္ဍိတာရာမ-ရွှေတောင်ကုန်းသာသနာ့ရိပ်သာ(Reel) တိပ်ခွေများမှ ၁၅%-ခန့်၊ ဆိပ်ခွန် မဟာစည်သာသနာ့ရိပ်သာ ဦးမြင့်အောင် နှင့် ဦးထွန်းမြင့်လင်းတို့၏ (Reel) တိပ်ခွေများမှ ၅%-ခန့် အသီးသီးဖြစ်သည်ဟု ဆိုနိုင်ပါသည်။ လုပ်ငန်းဆောင်ရွက်ပြီးစီးချိန်တွင် ဒေါက်တာဝင်းနိုင်ကျော်က ဆိပ်ခွန်-မဟာစည်သာသနာ့ရိပ်သာ နှင့် ပဏ္ဍိတာရာမ-ရွှေတောင်ကုန်းသာသနာ့ရိပ်သာ (Reel) တိပ်ခွေများကို ဆိုင်ရာတရားရိပ်သာများသို့ ပြန်လည်ပို့ဆောင်ပေးအပ်ခဲ့ပါသည်။ ဦးထွန်းမြင့်လင်းမှာ ၎င်း၏ (Reel) တိပ်ခွေ ၄၄-ခွေကို ပြန်မယူတော့ပဲ လှူဒါန်းသဖြင့် ဒေါက်တာဝင်းနိုင်ကျော်က ခေတ္တသိမ်းဆည်းထားပြီး၍ - ၂၀၂၂-ခုနှစ် အောက်တိုဘာလ ၉-ရက်နေ့တွင် မဟာစည်သာသနာ့ရိပ်သာ မှတ်တမ်းထိန်းသိမ်းရေးအဖွဲ့သို့ လွဲအပ် လှူဒါန်းခဲ့ပါသည်။ MP3 အသံဖိုင်ကူးပြောင်းသည့် လုပ်ငန်းစီမံ ဆောင်ရွက်မှုများကို ဒေါက်တာဝင်းနိုင်ကျော်က ဓမ္မကုသိုလ်၊ တာဝန်ယူဆောင်ရွက်ခဲ့ပြီး လုပ်ငန်းကုန်ကျစရိတ်များကို ဒေါက်တာဝင်းနိုင်ကျော်၏ ဓမ္မမိတ်ဆွေ (ထိုစဉ်က) ရွှေတောင်ကုန်းသာသနာ့ရိပ်သာအမှုဆောင် ဒေါက်တာဝင်းနိုင်ထွန်း က ကုသိုလ်ပါဝင် လှူဒါန်းပါသည်။ ဤနည်းအားဖြင့် မဟာစည်ဆရာတော်ဘုရားကြီး ဟောကြားတော်မူခဲ့သည့် တရားတော်များသည် (Reel) တိပ်ခွေများ၊ C-60 တိပ်ခွေများ၊ CD ခွေများဖြင့် ခေတ်အဆက်ဆက် ဖြတ်သန်း၍ ၁၃၇၂/၁၃၇၃-ခုနှစ် (၂၀၁၀/၂၀၁၁-ခုနှစ်) သို့ရောက်ရှိသည့်အခါ ကွန်ပြူတာများ၊ မိုဘိုင်းဖုန်းများ နှင့် အင်တာနက်ပေါ်တွင် သိမ်းဆည်းကူးယူပြန့်ပွားနိုင်သည့် MP3 တရားတော်အသံများအဖြစ်သို့ ပြောင်းလဲရောက်ရှိခဲ့ပါတော့ သည်။ ၂၀၁၅-ခုနှစ် သင်္ကြန်တွင်းကာလတခုတွင် ဒေါက်တာဝင်းနိုင်ကျော်က ဗုဒ္ဓသာသနာနုဂ္ဂဟအဖွဲ့က ပြောင်းလဲ ပြီးစီးထားသည့် MP3 တရားတော် CD ခွေများနှင့် အခြားဌာနများ၏ (Reel) တိပ်ခွေ ၁၂၇-ခွေ မှ ပြောင်းလဲ ရရှိသည့် MP3 တရားတော်များကိုနာယူပြီး တရားတော်အစဉ်စာရင်းကို ပြုစုခဲ့ပါသည်။ ထို့နောက် ၂၀၁၅-ခုနှစ်တွင် ဒေါက်တာဝင်းနိုင်ကျော် က ထို MP3 တရားတော်များနှင့် တရားတော်အစဉ်စာရင်းကို ဗုဒ္ဓသာသနာနုဂ္ဂဟအဖွဲ့သို့ မဟာစည်ပရိယတ္တိပဋိပတ္တိစာပေပြန့်ပွားရေးအဖွဲ့ အတွင်းရေးမှူး-ဦးဝင်းစိုး မှတဆင့် ပေးအပ်ခဲ့ရာ ထို တရားတော် MP3 ဖိုင်များကို ၂၀၁၅-ဇူလိုင်လ ၂၀-ရက်မှ စတင်၍ Memory Stick များ, SD Card များ, MP3 Player များဖြင့် မဟာစည်သာသနာ့ရိပ်သာကျမ်းစာအုပ် အရောင်းဆိုင်မှ ဖြန့်ချိခဲ့ပါတော့သည်။ ၁၃၈၅-ခုနှစ် သီတင်းကျွတ်လတွင် ဗုဒ္ဓသာသနာနုဂ္ဂဟအဖွဲ့ချုပ်က အထက်ပါ စုစည်းရရှိခဲ့သည့် မဟာစည်တရားတော်အသံဖိုင်များ နှင့် ၂၀၁၅-ခုနှစ် နှင့် ၂၀၂၃-ခုနှစ်အတွင်းထပ်မံစုဆောင်းရရှိသည့် (ယခင်ကမရရှိဖူးသေးသည့်) မဟာစည်တရားတော် MP3 များကို စုပေါင်း၍ တရားတော်အစဉ် နှင့် ဟောကြားတော်မူခဲ့သည့်နေ့စွဲများကိုပါ ထပ်မံစိစစ်၍ Mahasi Dhamma Podcast - မဟာစည်တရားတော်များ-ပေါ့ဒ်ကပ်(စ်) အဖြစ် အင်တာနက်ပေါ်သို့ စတင်ထုတ်လွင့်ခဲ့ပါတော့သည်။ EPISODES Thursday Jun 06, 2024 ဗောဇ္ဈင်တရားတော် - ဝီရိယသမ္ဗောဇ္ဈင် (၁/၉) Thursday Jun 06, 2024 Thursday Jun 06, 2024 ကျေးဇူးတော်ရှင် မဟာစည်ဆရာတော်ဘုရားကြီးသည် ဗောဇ္ဈင်တရားတော်ကြီးကို ရန်ကုန်မြို့၊ မဟာစည်သာသနာ့ရိပ်သာ၊ ဖလ်ယဉ်ဓမ္မာရုံတော်ကြီး၌ ၁၃၂၃-ခုနှစ်၊ ပထမဝါဆိုလကွယ်နေ့မှစ၍ ၁၃၂၃-ခုနှစ်၊ တော်သလင်းလပြည့်နေ့အထိ သီတင်းနေ့တိုင်း (၁၂-သီတင်းအကြာ) ဟောကြားတော်မူခဲ့ပါသည်။ ဗုဒ္ဓသာသနာနုဂ္ဂဟအဖွဲ့ချုပ်က မဟာစည်ဆရာတော်ကြီး ၁၃၂၃-ခုနှစ်၊ ပထမဝါဆိုလကွယ်နေ့နှင့် ၁၃၂၃-ခုနှစ်၊ ဒုတိယဝါဆိုလဆန်း ၈-ရက်နေ့တွင် ဟောကြားခဲ့သည့် သတိသမ္ဗောဇ္ဈင် နှင့် ဓမ္မာဝိစယသမ္ဗောဇ္ဈင် (အသံဖိုင် ၂-ဖိုင်) ကို အသံဖိုင်မှတ်တမ်းအဖြစ် မစုစည်းနိုင်ခဲ့ပါ။ ၁၃၂၃-ခုနှစ်၊ ဒုတိယဝါဆိုလပြည့်နေ့မှစ၍ ၁၃၂၃-ခုနှစ်၊ တော်သလင်းလပြည့်နေ့အထိ ဟောကြားခဲ့သည့် ဗောဇ္ဈင်တရားတော်များကိုသာ အသံဖိုင်မှတ်တမ်းအဖြစ် (အသံဖိုင်အားဖြင့် ၉-ဖိုင်) စုစည်းရရှိခဲ့ပါသည်။ ယခုတရားတော်သည် မဟာစည်ဆရာတော်ဘုရားကြီး ၁၃၂၃-ခုနှစ်၊ ဒုတိယဝါဆိုလပြည့်နေ့တွင် ဟောကြားခဲ့သည့် ဝီရိယသမ္ဗောဇ္ဈင်တရားတော်ကြီး ဖြစ်ပါသည်။ * > ၁၃၅၇-ခုနှစ်_ဗောဇ္ဈင်တရားတော်_မဟာစည်ဆရာတော် * > မဟာစည်တရားတော်များ ခေတ်အဆက်ဆက်တည်တံ့နေပုံ မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။ Read more * Likes * Download62 * Share Wednesday Jan 10, 2024 ဗုဒ္ဓသာသနအန္တရာယ်ကာကွယ်ရေးတရားတော် - ခြောက်ထပ်ကြီးပဋ္ဌာန်းပွဲ - ၁၃၃၉ (၁/၁) Wednesday Jan 10, 2024 Wednesday Jan 10, 2024 ကျေးဇူးတော်ရှင် မဟာစည်ဆရာတော်ဘုရားကြီးသည် ဗုဒ္ဓသာသနအန္တရာယ်ကာကွယ်ရေးတရားတော်ကို ၁၃၃၉-ခုနှစ်၊ တော်သလင်းလပြည့်ကျော် ၄-ရက်နေ့တွင် ရန်ကုန်မြို့၊ ခြောက်ထပ်ကြီးဘုရားကြီးတိုက်၊ အသံမစဲမဟာပဋ္ဌာန်းရွတ်ဖတ်ပူဇော်ပွဲ၌ များစွာသော ရဟန်းပရိသတ်တို့အား ဟောကြားတော်မူခဲ့ပါသည်။ ဗုဒ္ဓသာသနအန္တရာယ်ကို ကာကွယ်စောင့်ရှောက်ချီးမြှောက်တော်မူသွားကြသော ပထမသင်္ဂီတိပုစ္ဆက ဖြစ်တော်မူသော အရှင်မဟာကဿပ၊ ဒုတိယသင်္ဂီတိပုစ္ဆက ဖြစ်တော်မူသော အရှင်ရေဝတ ရဟန္တမထေရ်မြတ်ကြီးတို့နှင့် အရှင်မဟာယသ၊ အရှင်မဟာမောဂ္ဂလိပုတ္တတိဿမထေရ်မြတ်ကြီးတို့ကဲ့သို့ ဆဋ္ဌသင်္ဂီတိပုစ္ဆက အဂ္ဂမဟာပဏ္ဍိတ ကျေးဇူးတော်ရှင် မဟာစည်ဆရာတော်ဘုရားကြီးသည်လည်း ယခုအခါ မြန်မာပြည်တွင်း၌ ဗုဒ္ဓမြတ်စွာဘုရားရှင်ဟူသမျှတို့၏ အဆုံးအမတော်ဖြစ်သော ဩဝါဒပါတိမောက်တရားတော်ကို ဗုဒ္ဓသာသနအန္တရာယ်ကာကွယ်ရေးတရားတော်ဟူသောအမည်ဖြင့် သံဃာတော် ၆၀၀-ကျော် သီတင်းသုံးလျက်ရှိသော ခြောက်ထပ်ကြီးဘုရားကြီးကျောင်းတိုက် မဟာသိမ်တော်ကြီး၌ ရဟန်းရှင်လူတို့အား ဟောကြားတော်မူခဲ့ပါသည်။ * ၁၃၄၁-ခုနှစ်_ဗုဒ္ဓသာသနအန္တရာယ်ကာကွယ်ရေး တရားတော်_မဟာစည်ဆရာတော် * မဟာစည်တရားတော်များ ခေတ်အဆက်ဆက်တည်တံ့နေပုံ မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။ Read more * Likes * Download161 * Share Wednesday Jan 10, 2024 ကောင်းခြင်းလေးဖြာ မင်္ဂလာတရားတော် (ဓမ္မတေးဝိဇ္ဇာမိသားစု) - ၁၃၃၉ (၁/၁) Wednesday Jan 10, 2024 Wednesday Jan 10, 2024 ကောင်းခြင်းလေးဖြာ မင်္ဂလာတရားတော်ကို ကျေးဇူးတော်ရှင် မဟာစည်ဆရာတော်ဘုရားကြီးသည် ရန်ကုန်မြို့၊ သာသနာ့ရိပ်သာနှင့် အခြားကမ္မဋ္ဌာန်းဌာနအသီးသီးတွင် များစွာသော ရဟန်းရှင်လူတို့အား ဆောင်ပုဒ်များနှင့်တကွ ဟောကြားတော်မူခဲ့ပါသည်။ ဗုဒ္ဓသာသနာနုဂ္ဂဟအဖွဲ့ချုပ်က မဟာစည်ဆရာတော်ကြီး မြသိန်းတန်ကျောင်း၊ ရန်ကုန် (ဓမ္မတေးဝိဇ္ဇာမိသားစု)တွင် ဟောကြားထားသည့် ကောင်းခြင်းလေးဖြာမင်္ဂလာတရားတော်ကိုသာ အသံဖိုင်မှတ်တမ်းအဖြစ် စုစည်းရရှိပါသည်။ အသံဖိုင်အားဖြင့် ၁-ဖိုင် ဖြစ်ပါသည်။ ကျေးဇူးတော်ရှင် မဟာစည်ဆရာတော်ဘုရားကြီးက တရားတော်အစ၌ “ဒီကနေ့ဟောမည့် တရားကတော့ အဲဒီဆောင်ပုဒ်ပေးထားတဲ့အတိုင်း “ကောင်းခြင်းလေးဖြာ မင်္ဂလာတရားတော်” ဆိုတာကိုဟောဖို့ပါပဲ။ အလှူအတန်းဒါနတွေနဲ့ ပတ်သက်ပြီးတော့ ကောင်းခြင်းလေးဖြာ မင်္ဂလာတရားဆိုတာ အင်မတန် ဆီလျော်ပါတယ်။ တိုတိုကလေးနဲ့ ထိထိရောက်ရောက်လဲရှိပါတယ်။ ပြီးတော့ ကောင်းခြင်းလေးဖြာ မင်္ဂလာတရားတော်ဆိုတာက ဝိပဿနာတရားတွေလဲ ဒီအထဲအကုန်ပါနေတယ်။ အချိန်ရှိလို့ရှိယင်တော့ ဝိပဿနာဉာဏ်တွေ အစဉ်အတိုင်းဖြစ်ပြီးတော့ အရိယမဂ်ဖိုလ်ရောက်ပုံအလုံးစုံကိုဟောရမှာပဲ။ ဒါပေမယ့် ဒီကနေ့ည တညထဲနဲ့တော့ ဒီတရားကိုပြည့်ပြည့်စုံစုံ သိပ်မဟောနိုင်ဘူး။ နှစ်ညသုံးညလောက်ဟောမှ တော်ရုံရှိမယ်။” ဟူ၍ မိန့်ကြားထားပေသည်။ * ၁၃၄၂-ခုနှစ်_ကောင်းခြင်းလေးဖြာမင်္ဂလာတရားတော်_အရှင်ကေလာသ * မဟာစည်တရားတော်များ ခေတ်အဆက်ဆက်တည်တံ့နေပုံ မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။ Read more * Likes * Download62 * Share Monday Jan 08, 2024 (နေ့စွဲမသိ) (ဝါမဆိုမှီ) အနာဂတဘယသုတ် (၃/၃) Monday Jan 08, 2024 Monday Jan 08, 2024 ကျေးဇူးတော်ရှင် မဟာစည်ဆရာတော်ဘုရားကြီးသည် အနာဂတဘယသုတ်တရားတော်ကြီးကို - ၁၃၃၃-ခုနှစ်၊ နတ်တော်လဆုတ် ၃-ရက် (၂၂) ကြိမ်မြောက် နှစ်ပတ်လည်သြဝါဒခံယူပူဇော်ပွဲ၌လည်းကောင်း၊ ၁၃၃၄-ခုနှစ်၊ နတ်တော်လဆုတ် ၄-ရက် (၂၃) ကြိမ်မြောက် နှစ်ပတ်လည်သြဝါဒခံယူပူဇော်ပွဲများ၌လည်းကောင်း၊ (ခုနှစ်မသိပါ) ရန်ကုန်မြို့သာသနာ့ရိပ်သာတွင် ဝါဆိုဝါကပ်မည့် သံဃာတော်များကို သြဝါဒမိန့်ကြားတော်မူရာတွင်လည်းကောင်း အသီးသီး ဟောကြားတော်မူခဲ့ပါသည်။ ဗုဒ္ဓသာသနာနုဂ္ဂဟအဖွဲ့ချုပ်က ဤတရားတော်ကို အသံဖိုင်အားဖြင့် ၃-ဖိုင် စုစည်းရရှိပါသည်။ ယခု Episode သည် (ခုနှစ်မသိပါ) ရန်ကုန်မြို့သာသနာ့ရိပ်သာတွင် ဝါဆိုဝါကပ်မည့် သံဃာတော်များကို ဟောကြားတော်မူသည့် အနာဂတဘယသုတ်တရားတော်ကြီး-၃ ဖြစ်ပါသည်။ * ၁၃၈၁-ခုနှစ်၊ အနာဂတဘယသုတ်တရားတော်_မဟာစည်ဆရာတော် * မဟာစည်တရားတော်များ ခေတ်အဆက်ဆက်တည်တံ့နေပုံ မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။ Read more * Likes * Download41 * Share Monday Jan 08, 2024 အနာဂတဘယသုတ် - ၂၃-ကြိမ်မြောက်ဩဝါဒခံယူပူဇော်ပွဲ - ၁၃၃၄ (၂/၃) Monday Jan 08, 2024 Monday Jan 08, 2024 ကျေးဇူးတော်ရှင် မဟာစည်ဆရာတော်ဘုရားကြီးသည် အနာဂတဘယသုတ်တရားတော်ကြီးကို - ၁၃၃၃-ခုနှစ်၊ နတ်တော်လဆုတ် ၃-ရက် (၂၂) ကြိမ်မြောက် နှစ်ပတ်လည်သြဝါဒခံယူပူဇော်ပွဲ၌လည်းကောင်း၊ ၁၃၃၄-ခုနှစ်၊ နတ်တော်လဆုတ် ၄-ရက် (၂၃) ကြိမ်မြောက် နှစ်ပတ်လည်သြဝါဒခံယူပူဇော်ပွဲများ၌လည်းကောင်း၊ (ခုနှစ်မသိပါ) ရန်ကုန်မြို့သာသနာ့ရိပ်သာတွင် ဝါဆိုဝါကပ်မည့် သံဃာတော်များကို သြဝါဒမိန့်ကြားတော်မူရာတွင်လည်းကောင်း အသီးသီး ဟောကြားတော်မူခဲ့ပါသည်။ ဗုဒ္ဓသာသနာနုဂ္ဂဟအဖွဲ့ချုပ်က ဤတရားတော်ကို အသံဖိုင်အားဖြင့် ၃-ဖိုင် စုစည်းရရှိပါသည်။ ယခု Episode သည် ၁၃၃၄-ခုနှစ်၊ နတ်တော်လဆုတ် ၄-ရက် (၂၃) ကြိမ်မြောက် နှစ်ပတ်လည်သြဝါဒခံယူပူဇော်ပွဲ၌ ဟောကြားတော်မူသည့် အနာဂတဘယသုတ်တရားတော်ကြီး ဖြစ်ပါသည်။ * ၁၃၈၁-ခုနှစ်၊ အနာဂတဘယသုတ်တရားတော်_မဟာစည်ဆရာတော် * မဟာစည်တရားတော်များ ခေတ်အဆက်ဆက်တည်တံ့နေပုံ မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။ Read more * Likes * Download16 * Share Monday Jan 08, 2024 အနာဂတဘယသုတ် - ၂၂-ကြိမ်မြောက်ဩဝါဒခံယူပူဇော်ပွဲ - ၁၃၃၃ (၁/၃) Monday Jan 08, 2024 Monday Jan 08, 2024 ကျေးဇူးတော်ရှင် မဟာစည်ဆရာတော်ဘုရားကြီးသည် အနာဂတဘယသုတ်တရားတော်ကြီးကို - ၁၃၃၃-ခုနှစ်၊ နတ်တော်လဆုတ် ၃-ရက် (၂၂) ကြိမ်မြောက် နှစ်ပတ်လည်သြဝါဒခံယူပူဇော်ပွဲ၌လည်းကောင်း၊ ၁၃၃၄-ခုနှစ်၊ နတ်တော်လဆုတ် ၄-ရက် (၂၃) ကြိမ်မြောက် နှစ်ပတ်လည်သြဝါဒခံယူပူဇော်ပွဲများ၌လည်းကောင်း၊ (ခုနှစ်မသိပါ) ရန်ကုန်မြို့သာသနာ့ရိပ်သာတွင် ဝါဆိုဝါကပ်မည့် သံဃာတော်များကို သြဝါဒမိန့်ကြားတော်မူရာတွင်လည်းကောင်း အသီးသီး ဟောကြားတော်မူခဲ့ပါသည်။ ဗုဒ္ဓသာသနာနုဂ္ဂဟအဖွဲ့ချုပ်က ဤတရားတော်ကို အသံဖိုင်အားဖြင့် ၃-ဖိုင် စုစည်းရရှိပါသည်။ ယခု Episode သည် ၁၃၃၃-ခုနှစ်၊ နတ်တော်လဆုတ် ၃-ရက် (၂၂) ကြိမ်မြောက် နှစ်ပတ်လည်သြဝါဒခံယူပူဇော်ပွဲ၌ ဟောကြားတော်မူသည့် အနာဂတဘယသုတ်တရားတော်ကြီး-၁ ဖြစ်ပါသည်။ * ၁၃၈၁-ခုနှစ်၊ အနာဂတဘယသုတ်တရားတော်_မဟာစည်ဆရာတော် * မဟာစည်တရားတော်များ ခေတ်အဆက်ဆက်တည်တံ့နေပုံ မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။ Read more * Likes * Download35 * Share Monday Jan 08, 2024 သံသရာဝဲသြဃမှ လွန်မြောက်ရေးတရားတော် - ဟေမဝတသုတ် နောက်ပိုင်း (၂) ဂါထာ Monday Jan 08, 2024 Monday Jan 08, 2024 ဤတရားတော်အစတွင် ဒကာတစ်ဦးမှ “၁၃၃၅-ခုနှစ်၊ ဝါဆိုလကွယ်နေ့တွင် ရန်ကုန်မြို့၊ မဟာစည်သာသနာ့ရိပ်သာ၌ ကျေးဇူးတော်ရှင် မဟာစည်ဆရာတော်ဘုရားကြီး သီလပေးပြီးနောက် ဟောကြားတော်မူသော တရားတော်ဖြစ်ပါသည်” ဟူ၍ အသံသွင်း၍ ဖော်ပြထား၏။ ယခုတရားတော်သည် ဟေမဝတသုတ်-နောက်ပိုင်း ၂-ဂါထာဖြစ်ကြောင်းကို မဟာစည်ဆရာတော်ဘုရားကြီးက “ဟေမဝတသုတ်မှာ နောက်ပိုင်းက ၂-ဂါထာလောက် အရင်ကဟောတာ ကျန်သွားသလား အောက်မေ့လို့ ပြန်ဟောရမည်“ ဟူ၍ မိန့်ကြားထားပါသည်။ ဟေမဝတသုတ် နောက်ပိုင်း ၂-ဂါထာတရားတော်သည် ဩဃရေယာဉ်ကို ဘယ်လိုပုဂ္ဂိုလ် ကျော်လွန်သလဲ, ဘယ်လိုကျင့်မှ ဩဃလေးဖြာ သံသရာရေယာဉ်ကို ကျော်လွန်နိုင်သလဲ, သံသရာတည်းဟူသော ရေအိုင်ကြီးကို ဘယ်လိုကူးမြောက် ကျော်လွန်ပြီး သွားနိုင်သလဲလို့ ဟေမဝတနတ်က မြတ်စွာဘုရားကို မေးမြန်းလျှောက်ထားသည့် တရားတော်ဖြစ်ပါ၏။ * မဟာစည်တရားတော်များ ခေတ်အဆက်ဆက်တည်တံ့နေပုံ မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။ Read more * Likes * Download27 * Share Saturday Jan 06, 2024 ဘဒ္ဒေကရတ္တသုတ်တရားတော် (ခြောက်ထပ်ကြီး) - ၁၃၄၀ (၂/၂) Saturday Jan 06, 2024 Saturday Jan 06, 2024 ကျေးဇူးတော်ရှင် မဟာစည်ဆရာတော်ဘုရားကြီးသည် ဘဒ္ဒေကရတ္တသုတ်တရားတော်ကြီးကို ၁၃၄၀-ခုနှစ်၊ ဝါဆိုလဆန်း ၇-ရက် နှင့် ၈-ရက်နေ့ ညများတွင် ပျံလွန်တော်မူပြီးသော ရန်ကုန်မြို့၊ ခြောက်ထပ်ကြီးဘုရားကြီးတိုက် ဒုတိယနာယက အဂ္ဂမဟာပဏ္ဍိတ အရှင်အာစိဏ္ဏ ဈာပနဓမ္မပူဇာပွဲတွင် ၂-ညတိုင်တိုင် ဟောကြားခဲ့ပါသည်။ ပထမနေ့ည တရားပွဲတွင် ပျံလွန်တော်မူပြီးသော ဆရာတော်ကြီး၏ ဂုဏ်ကျေးဇူးများ ပူဇော်ခြင်းတရားနှင့် မရဏနုဿတိတရား ပွားများနိုင်ရန် စတုရာရက္ခတရား ၄-ပါးကို တရားတော်၏ ရှေ့ပိုင်း ၃၀-မိနစ်တွင် ဟောကြားတော်မူပါသည်။ ထို့နောက်မှ မရဏသတိသေခြင်းတရားနှင့်စပ်၍ ဘဒ္ဒေကရတ္တသုတ်တရားတော်ကို ဟောကြားတော်မူပါသည်။ နောက်တစ်နေ့ည တရားပွဲ၌လည်း ဘဒ္ဒေကရတ္တသုတ်တရားတော်ကိုသာ ဆက်လက်ဟောကြားတော်မူခဲ့ပါသည်။ ယခု Episode သည် ၁၃၄၀-ခုနှစ်၊ ဝါဆိုလဆန်း ၈-ရက်နေ့တွင် ဟောကြားတော်မူသည့် ဘဒ္ဒေကရတ္တသုတ်တရားတော်-၁ ဖြစ်ပါသည်။ * မဟာစည်တရားတော်များ ခေတ်အဆက်ဆက်တည်တံ့နေပုံ မဟာစည်တရားတော်များ ပြန့်ပွားရေးကုသိုလ်တော်ရယူနိုင်ရန် မဟာစည်ကျမ်းစာအုပ်အရောင်းဆိုင် ဖုန်း-၀၁-၅၄၅၄၆၉, ၀၁-၅၄၁၉၇၁, ၀၉-၉၅၂၁၉၈၈၀၂ နှင့် mahasi.meditationcenter@gmail.com များထံ ဆက်သွယ်နိုင်ပါသည်။ Read more * Likes * Download67 * Share Load more Copyright 2024 All Rights Reserved Podcast Powered By Podbean COOKIES NOTICE This website uses cookies to improve your experience while you navigate through the website. By using our website you agree to our use of cookies. Accept Play this podcast on Podbean App Like the episode on your phone Download Free Podcast App CancelYes Version: 20240320