www.osteroy.kommune.no Open in urlscan Pro
137.221.25.219  Public Scan

Form analysis
2 forms found in the DOM

GET /sokeside

<form action="/sokeside" method="get" class="search__form">
  <div class="main-search__wrapper">
    <input type="text" class="main-search__search-input" name="q" title="Søk" placeholder="Søk">
    <!-- <button
                                        Søk på heile innbyggjarportalen
                                            class="main-search__search-submit"
                                            type="submit"
                                        ></button> -->
  </div>
</form>

GET /sokeside

<form action="/sokeside" method="get" class="search-mobile__form">
  <div class="main-search-mobile__wrapper">
    <input type="text" class="main-search-mobile__search-input" name="q" title="Søk" placeholder="Søk">
    <button id="search-menu" aria-label="Søk" class="header__topnav__menu header__topnav__menu--search main-search-mobile__submit">
      <span class="material-symbols-outlined search__icon" style="font-size: 28px;" aria-hidden="true"> search </span>
    </button>
  </div>
</form>

Text Content

OSTERØY KOMMUNE
Kontakt oss Ledige stillingar account_circle Min side

search Søk
menu Meny
search



VÅRE TENESTER

Kontakt oss Ledige stillinger Min side


BARNEHAGE

Søkje eller endre plass, barnehagane våre, pris, barnehageruta, tilpassa tilbod.


SKULE OG UTDANNING

Skuleruta, SFO, skulane våre, vaksenopplæring, spesialundervisning.


HELSE, OMSORG OG SOSIAL

Helsehjelp, eldreomsorg, heimetenester, NAV sosial, nedsett funksjonsevne, rus,
psykisk helse


PLAN, BYGG OG EIGEDOM

Byggjesak, kart, eigedomsinformasjon, planar, kontakt.


VEG, VATN, AVLAUP OG BOSS

Melde feil, brøyting, utsleppsløyve, gjenvinning, kommunale avgifter.


NATUR, KULTUR, FERIE OG FRITID

Kulturskulen, bibliotek, museum, jakt og fiske, lag og organisasjonar


BRANNTRYGGLEIK, ELDSTAD OG FEIING

Tryggleik og førebygging, bål- og bråtebrenning, tilsyn og feiing.


SKATT, NÆRING OG LANDBRUK

Skatteoppkrevjing, løyve, etablering, jordbruk, jakt og fiske, reiseliv


POLITIKK OG HØYRINGAR

Møteplan, budsjett, slik kan du påverke, kommuneTV, kontaktinformasjon


KOMMUNESTYRE- OG FYLKESTINGSVALET 2023

Røysting, kven kan røyste, manntal, for partia, valkort, listeframlegg.
Spør Kari
HeimNatur, kultur, ferie og fritidKulturskulen


KULTURSKULEN

Vil du vera elev i kulturskulen skuleåret 2022/23? Søknadsfristen er 01. juni,
men påmeldinga er open heile året og ein får plass dersom det er ledige plassar.
Klikk på fana til venstre: "Slik søkjer du" og følg oppskrifta. Elever som
søkjer kjem på venteliste og får svar på søknad rundt 1. juli


   INNHALD PÅ SIDA

 * Kontakt oss
 * Våre tilbod
 * Slik søkjer du
 * Kva kostar det?
 * Skulerute for kulturskulen
 * Reglement

Vil du vera elev i kulturskulen skuleåret 2022/23? Søknadsfristen er 01. juni,
men påmeldinga er open heile året og ein får plass dersom det er ledige plassar.
Klikk på fana til venstre: "Slik søkjer du" og følg oppskrifta. Elever som
søkjer kjem på venteliste og får svar på søknad rundt 1. juli


KONTAKT OSS


REKTOR: KRISTOFFER KLEIVELAND 

 * E-post: kristoffer.kleiveland@osteroy.kommune.no
 * Mobil: 917 02 011
   

Lærarar på kulturskulen

Bandinstrument og media

Steinar Vatle

E-post: steinar.vatle@osteroy.kommune.no

Telefon: 950 76 362

 

Piano

Synnøve Jordalen

E-post: synnove.jordalen@osteroy.kommune.no

Telefon: 952 24 528

 

Piano og song

Ole Rasmus Hjelle

E-post: ole.rasmus.hjelle@osteroy.kommune.no

Tlf: 909 63 681

 

Gitar

Henning Neu Hoshovde

E-post: henning.neu.hoshovde@osteroy.kommune.no

Tlf: 954 04 156

 

Toradar

Kristoffer Kleiveland

E-post: kristoffer.kleiveland@osteroy.kommune.no

Telefon: 917 02 011

 

Slagverk

Torstein Åvar Sollien (permisjon skuleåret 2022/2023)

E-post: torstein.avar.sollien@osteroy.kommune.no

Telefon: 986 26 930

 

Valerian Leutkawäger

E-post: valerian.leutkawager@osteroy.kommune.no

Tlf: 992 99 485 

 

Messingblås og korps

Birthe Carlsen

E-post: birthe.carlsen@osteroy.kommune.no

Tlf: 920 66 930

 

Hardingfele

Maria Skjeldrum Toppe

E-post: maria.skjeldrum.toppe@osteroy.kommune.no

Telefon: 916 37 213

 

Dans - Ballett, hip hop, jazz og talentgruppe

Guro Arnetvedt Tvedt

E-post: guro.tvedt@osteroy.kommune.no

Telefon: 902 66 434

 

Visuell kunst

Karianne Harstad

E-post: karianne.harstad@osteroy.kommune.no

Telefon: 997 92 030

 

Teaterkor

Sebastian Haugland

E-post: sebastian.haugland@osteroy.kommune.no

Telefon: 936 49 315

 

Media/studio:

Gabriel Vatle

E-post: gabivatle@gmail.com

Tlf: 468 78 036

 

 

Besøks- og postadresse 

Besøksadresse:

Osterøy kulturskule

Rambergsvegen 219,221

5282 Lonevåg

Sjå kart. 

Postadresse:

Osterøy kulturskule

Geitaryggen 8
5282 Lonevåg 


BESØK PÅ FACEBOOK



 

Er du ikkje medlem, kan du sjå innlegg frå kulturskulen her.  


VÅRE TILBOD

Media - Film, foto og grafisk design

Dersom du har interesse for film, foto eller grafisk design kan det vera lurt å
melda seg på vår mediagruppe. 

I vår mediagruppe får du arbeida med programvare frå Adobe Creative suite, der
vi bruker Photoshop, Illustrator, InDesign og Premiere Pro. Fotografering og
bildebehandling er eit eventyr i Photoshop, og berre fantasien set grenser for
kva som kan lagast der.

Mediagruppa får også arbeida med design av plakatar til kulturskulen sine
konsertar og arrangement.

Mediagruppa vil og kunne vli engasjert i samarbeidsprosjekt med kunst og
teaterfag.

Stad:
Mediagruppa held til i kulturskulen sine lokaler på Hatland, der vi har lyd- og
bildestudio elevane kan boltra seg i.

Tid:
Mediagruppa har undervisning på ettermiddagstid. Undervisningstida kan variera i
forhold til storleiken på gruppa. 

Dans

Vi kan tilby ein variert dansemeny for deg som ikkje har ro i kroppen. Vår
allsidige og dyktige dansepedagog Guro Arnetvedt Tvedt tilbyr dansekurs i hip
hop, jazzdans, ballett og talentgruppe.

Dansestudio ligg i vårt bygg på Hatland og var nytt hausten 2016.

 

Hip Hop
Hip hop er ein urban dansestil i stadig utvikling. Stilen har sitt utspring frå
hip hop-kulturen som blomstra på 70-talet i New York, kor det var vanleg å dansa
ute i gatene. Det er mange stilartar innanfor hip hop.

 

Jazz

Jazz er ein dansestil som bygger på grunnteknikk frå klassisk ballett. I
motsetning til ballett beveger ein seg ofte raskare i jazz og har eit lågt
tyngdepunkt. Ein dansar oftast til popmusikk og låtar frå kjende musikalar. Eit
kjenneteikn på jazz er fokus på dynamikk, det vil seie å ta i bruk alt frå
rolege til eksplosive bevegelsar i dansen.

Ein jazzklasse består av oppvarming av heile kroppen med fokus på grunnteknikk,
styrke og bevegelegheit. Etter oppvarming går ein ofte diagonalt over rommet og
gjer ulike steg og bevegelser. På slutten lærer du ein koreografi.

Vi legg vekt på å utvikle ei god kroppshaldning, lære grunnteknikk gjennom ulike
øvelsar, koordinasjon, styrke og fleksibilitet, rytmeforståelse,
meistringsfølelse og ikke minst danseglede.

 

Klassisk ballett

Klassisk ballett er ein dansestil som dei fleste kjenner til. Typisk for
klassisk ballett er god disiplin og nøyaktigheit. Det vert lagt vekt på god
kroppshaldning med rett rygg, strake kne og høge bein. Andre stikkord er:
piruettar, bein og armposisjonar etter fast mønster, flytande og grasiøse
bevegelsar og eksplosive hopp og sprang.

 

Ein ballettklasse inneheld til vanleg eit fastsett mønster av fleire korte
øvingar, der du gradvis varmar opp og styrker kroppen slik at du mot slutten av
timen vert i stand til å gjera piruetter, hopp og koreografi.

Gjennom ballettundervisninga vil du:

 

 * læra deg grunnteknikk og namn og uttrykk på posisjonar
 * læra korleis du beveger deg til klassisk musikk
 * læra korleis du får ei god kroppshaldning
 * utvikle styrke og fleksibilitet.

 

Utstyr

Det er viktig å ha bevegelege klede for å kunne bevege seg maksimalt. Gjerne
romslege joggebukser, overdeler og joggesko for å unngå å skli, samt belastning
på ben.

For ballettelevar kan det vera greitt med kvit strømpebuske, ballettdrakt og
ballettsko.

 

Kven passar det for

Vi har tilbod til alle aldersklassar frå 1.klasse t.o.m vidaregåande.
Dansepedagogen vil leggja opp klassen i forhold til dine føresetnader slik at du
opplever meistring, får god arbeidshaldning og danseglede. På tilbod med stor
påmelding, vert det fleire grupper delt inn etter nivå og alder.

 

Opptreden og samarbeid

Dansegruppene deltar på ulike oppsetningar som bl.a Vårspel, skulekonsertar og
andre oppdrag. Dette skuleåret er mange av dansarane på mellomtrinnet med på
Teaterkoret sin musikaloppsetning Alice i Draumeland

 

Tid og stad

Timane varer i 60 min. (tida kan variera litt etter tal på elevar i gruppa). Ein
må rekne med helgeøvingar i samband med større prosjekt. Då vert
undervisningsåret korta inn tilsvarande.

Undervisninga går føre seg i kulturskulens dansestudio på Hatland.

 

Teaterkor 4.-7. klasse

Namnet inneber at du får bli med på ei musikaloppsetning i løpet av året.
Teaterkoret samarbeider tett med faga dans og visuell kunst.

Vi har hatt dette tilbodet sidan skuleåret 2012/13 og sett opp ein musikal kvart
år.  På dette faget får ein verkeleg sceneerfaring.

Samarbeid
Teaterkoret er ikkje åleine om oppsetningane. Elevar frå media, visuell kunst og
dans vert og på ein eller annan måte involvert i prosjektet. Dei føresette er òg
ein viktig ressurs når det gjeld å skaffa kostyme og rekvisittar, og ikkje minst
for å skapa ei sosial ramme rundt øvingshelg og framføringar.

Andre aktivitetar
Teaterkoret vil òg få oppdrag i samband med andre arrangement i kulturskulen.
Mellom anna har dei vore programleiaiar på Vårspel (kulturskulen sin
hovudkonsert)

Tid og stad
Teaterkoret har sine øvingar i kulturskulen sine lokale. 
I samband med innspurt til musikalen, vil det kunne bli endringar på planen. Du
må rekna med minst ei øvingshelg. Intensive periodar vert kompensert med
avspassering på slutten av året.

Visuell kunst

Lyst til å utforske det kreative og kunstneriske?

I visuell kunst er skaparglede og utforskartrong nøkkelord.

Vi arbeider både to og tredimensjonalt. Det du kan sjå på, og det du kan kjenne
på.

I faget visuell kunst får du utforska forskjellige utrykksformer i teikning,
maling, leire, tekstil, skulptur/installasjon inne og ute.

Vår lærar i Visuell kunst, Karianne Harstad har mange idear og legg vekt på at
du gjennom å arbeida med ulike materiale, oppdagar ting undervegs og undrar deg
over ulike former og uttrykk. Gleda ved å skapa er vel så viktig som resultatet.

 

Kva gjer vi?

Vi jobbar med stor variasjon av materialer. Blyantar, kull og kritt i
skissebøker og på ark i diverse storleikar. I tillegg målar me med akryl og
akvarell. Me lærer å kjenna fargane, eigenskapene deira og jobbar mykje med å
blenda dei.

Å skapa med hendene gjennom materialar som leire, gips, betong, lær og andre
tekstiler er og ein del av faget vårt. Elevane sine eigne ønskjer vil og vera
med å bestemma materialval og arbeidsmåtar.

Gjennom året arbeider me både med individuelle, felles og prosjekt -oppgåver.
Eit eksempel på prosjektoppgave er den årlege musikalen. Her arbeider visuell
kunst med kostyme, scenografi og sminke. Dette arbeidet gir ein brei erfaring
der ein jobbar i lag med andre kunstformer.

I det individuelle arbeidet er det rom for eleven til å kunne fordjupa seg i
eige arbeid.

Med utgangspunkt i tradisjonelle handverk, utforskar me nye mulegheitar.

Kunsthistorie vert fletta inn undervegs der det er naturleg.

 

Utstillingar og prosjekt

Kulturskulen arrangerer kunstutstillingar, og er med på felles prosjekt med dei
andre faggruppene i kulturskulen.

 

Tid og stad

Visuell kunst held til i kulturskulen sine lokale i Lonevåg.

Song 

Stemma har du alltid med deg, og noko av det kjekkaste du kan bruka ho til er å
forme ord og tonar. I kulturskulen kan du få vidareutvikla songtalentet ditt med
vegledning frå erfarne lærarar. Du får læra om pusteteknikk, klang, uttale,
musikkteori og ikkje minst formidling.

Formidling

Songaren står gjerne i første rekkje og er den som skal bera fram bodskapen i
musikken. Derfor er det viktig å få øvd deg til å opptre framfor eit publikum.
Kulturskulen har fleire arenaer der du kan få slik erfaring. I tillegg til våre
eigne konsertar, får me ofte spørsmål om å stilla med songarar til ulike
arrangement i og utanfor Ostrerøy.

Kor og vokalensemble

Me legg og opp til at du skal få erfaring med fleirstemt song. Det kan vera
vokalgrupper av ulik storleik eller korprosjekt i samband med større
arrangement. Når du syng i lag med andre, får du øvd opp gehøret og vert betre
til å syngja reint. Alle elevar i ungdomsskulealder og oppover får tilbod om å
vera med i kulturskulen sitt ungdomskor i samband med vår årlege hovudkonsert -
"Vårspel".

Når kan eg byrja?

Tilbodet er for born frå første klasse, men me har erfaring for at eleven med
fordel kan vera litt eldre for å få godt utbyte av individuell songundervisning.
3. eller 4. klasse kan vera eit greitt utgangspunkt. Det er ein stor fordel å ha
spelt eit instrument først slik at du kjem litt inn i noteverda . Piano er då
eit godt utgangspunkt. For 1. og 2. klassingar tilbyr me og Smartstart, som er
eit allsidig gruppebasert begynnertilbod. Frå 3. klasse kan du melda deg inn i
teaterkoret dersom du og har ein liten skodespelar i magen. Les om desse tilboda
under eigne faner.

Tid og stad

Songundervisning vert gitt i kulturskulen sine lokale og på Valestrand skule,
etter skuletid.

Gitar

Gitaren er eit instrument svært mange har eit forhold til, og fleire vil læra
seg å spela. Instrumentet er forholdsvis lett å frakta med seg, og kan brukast i
svært mange samanhengar. Har du lært deg nokre gitargrep kan du fort verta
midtpunktet i gjengen dersom det byr seg ein anledning til litt allsong, enten
det er rundt leirbålet på ein telttur eller du har konsert for medelevar på
skulen.

Mange typar gitar

Det finst mange forskjellige typar gitar: klassisk gitar, akustusk gitar med
stålstrengar eller nylonstrengar, halvakustisk gitar og elektrisk gitar. Felles
for dei aller fleste er at gitaren har seks strengar, sjølv om det finst både
sju- og tolvstrengarar. Det er også forskjellige storleikar å få tak i.
For dei minste gitaristane er det ofte best å spela på ein juniorgitar, som er
noko mindre enn ein vanleg gitar. I starten kan det også vera lurt å ha ein
gitar med nylonstrengar, for å unngå såre fingertuppar.

Når kan du byrja å spela gitar? 

Du kan sjølvsagt byrja når du vil, men det passar best frå 3. klasse og oppover.
Gitaren krev litt styrke i fingrane, og det kan ofte vera vanskeleg for dei
aller minste.

Tid og stad

Gitarundervisning vert gitt i kulturskulen sine lokale etter skuletid.

Piano

Piano er eit populært instrument i kulturskulen. Instrumentet nyttast i mange
samanhenger, som soloinstrument eller i som ein del av eit større ensemble.
Pianistar er populære. Det er alltid trong for tonefølgje til bryllup,
konfirmasjonar eller juletrefestar. I kulturskulen kan du få systematisk og
kyndig opplæring på instrumentet. Våre lærarar har erfaring frå mange stilartar
frå klassisk til meir "fri" spelestil basert på besifring (akkordar) Me legg
uansett vekt på at du får grunnleggande opplæring både når det gjeld teknikk og
notekunnskap.

Mange fordelar
Sett bort frå at eit piano er tungt å bera på, er det mange gode grunnar til å
velja piano som instrument i kulturskulen.

 * Du får lett god lyd
 * Du lærer deg lett å forstå notar og akkordar
 * Du kan spela komp til songar
 * Du kan vera ditt eige orkester med melodi, bass og akkordar
 * Egner seg godt for nybyrjaropplæring i musikk, uavhengig av kva du seinare
   vil velja

Piano med eller utan straum
Piano er eit kostbart instrument. Mange vel derfor å skaffa seg digitalt piano.
Dei er rimelege og held etterkvart god kvalitet dersom ein styrer unna dei aller
rimelegaste alternativa. Satsar du på å utvikla deg til klassisk pianist vil du
før eller seinare ha størst utbyte av eit akkustisk piano.

Mange har keyboard heime. Eit keyboard har fleire lydar og fleire automatiske
innretningar som autokomp. (Lagar komp i ulike stilartar medan du sjølv speler
melodien) Eit keyboard har noko lettare anslag og færre tangentar. Som nybyrjar
får du same grunnopplæring uavhengig av kva for instrument du har heime, men
våre lærarar vil og hjelpa deg til å utforska instrumentet ditt, slik at du får
størst mulig glede av det. 

Tid og stad
Pianoundervisning vert gitt i Kulturskulen sine lokale og på Valestrand skule,
etter skuletid.

Bassgitar

Bassgitaristen har ein heilt sentral plass i bandet. Det er når bassen kjem inn,
det byrjar å låte skikkeleg bra. Bassen skaper bunn i klangbildet og du driv
rytmen framover. Alle dei andre i bandet er avhengig av at bassisten gjer
jobben.

Gitar og bassgitar
Det er store likskapar mellom gitar og bassgitar. Ein bassgitar er eigentleg ein
stor gitar, men ein brukar dei 4 grovaste strengane. For ein gitarist kan det
vera nyttig å spela litt bass i blant fordi det hjelper til med å få eit godt
oversyn over kor notane ligg på gripebrettet.


Når kan du byrja å spela elbass?
På grunn av storleiken passar ikkje elbassen for dei minste, ein må ha litt
styrke i fingrane for å få god lyd.
5. klasse kan vera eit greitt utgangspunkt.


Må du ha bassgitar sjølv?
Det er gjerne meir vanleg å ha tilgang til ein gitar i heimen, enn ein
bassgitar. I starten let det seg fint gjera å øva inn stykkene på ein vanleg
gitar. Men når du finn ut at dette er noko du vil satse på, bør du skaffa deg
ein elbass slik at du får øvd opp styrken i fingrane og blir van med avstandane
på gripebrettet.


Du vert ettertrakta
Bassgitaren er ikkje eit utprega soloinstrument. Difor legg me i kulturskulen
opp til at du i periodar får prøva deg i ulike samspelsituasjonar. Når nokon
skal spela i lag, er dei alltid på utkikk etter ein bassist.

Slagverk

Slagverkaren tilfører musikken energi og driv. Har du mykje rytme i kroppen, kan
dette vera noko for deg.

Armar og bein
Som ny på trommestolen vil du fort merka at armar og bein ikkje alltid vil
lystre kommandoen frå hjernen. Med vårt undervisningsopplegg får du systematisk
øvd opp kontrollen av armar og bein slik at røslene dine etter kvart vert
omgjort til fengande rytmar.

Musikalske byggjesteinar
Trommeundervisninga egner seg godt til å gje eleven grunnleggjande forståing av
ord og uttrykk i musikken. Du lærer om taktartar, noteverdiar og periodar. Ved a
læra deg slagverkkunsten, har du og eit godt grunnlag for å gi deg i kast med
andre instrument seinare.

Melodisk slagverk
Vibrafon, klokkelspel, xylofon og marimba vert og rekna som slagverkinstrumnet.
Torstein Sollien har dette som spesialområdet og kan tilby god undervisning på
desse instrumenta i tillegg til det tradisjonelle trommesettet.

Du vert ettertrakta
Slagverket er ikkje eit utprega soloinstrument. Difor legg me i kulturskulen opp
til at du i periodar får prøva deg i ulike samspelsituasjonar.
Når nokon skal laga band, er dei alltid på utkikk etter ein trommis.

Hardingfele

På Osterøy er det eit rikt folkemusikkmiljø gjennom verksemda til Osterøy
spel-og dansarlag. Osterøy kulturskule har i mange år gitt tilbod om
undervisning i hardingfelespel. Mange av utøvarane er no blitt dugandes
spelemenn og er klare til å læra opp nye generasjoner med spelemenn. Har du lyst
å trylla fram ein frisk halling eller ein slått det er fint å lytta til? Du er
velkommen i kulturskulen. 

Osterøy spel -og dansarlag

Begynner du på hardingfele, vert du og invitert med på kjekke aktivitetar i regi
av Osterøy spel- og dansarlag. Laget har mange engasjerte leiarar som ønskjer å
skapa gode møteplassar med born og folkemusikk i sentrum.

Tid og stad

Undervisninga går føre seg etter skuletid på Valestrand skule. Elles etter
avtale med lærar.

Toradar

Krsitoffer Kleiveland står klar til å ta imot deg om du ønskjer å bli ein god
toradarspelar. Du får individuell undervisning, og du får grundig opplæring i
riktig speleteknikk. Sjølv om undervisninga er individuell, får du prøva deg i
smågrupper i samband med konsertar og liknande.

OsterøyBelgen er eit lag du kan melde deg inn i for å delta i eit sosialt og
triveleg toradarfelleskap. OsterøyBelgen er for unge musikarar og består av
forskjellige toradergrupper alt etter kva nivå ein har nådd (ca 10 stk i ei
gruppe). Desse ulike gruppene reiser ein del rundt på speleoppdrag, festivalar
og konkurransar.

Spelar du toradar i kulturskulen og samtidig er med i Osterøybelgen, får du eit
godt grunnlag for å bli ein komplett uttøver på toradaraen.

Me speler varierte melodiar, alt ifra swing og rumba til ulike barnemelodier,
vals, polka og lignande.

Det er mulig å leige seg toradar viss du ikkje har dette.

Tid og stad
Undervisninga går føre seg på kulturskulen etter skuletid.

Trekkspel/akkordeon

Instrumentet kan nyttast i mange samanhenger, som soloinstrument eller som ein
del av eit større ensemble. I kulturskulen kan du få systematisk og kyndig
opplæring på instrumentet. Vår lærar har erfaring frå fleire stilartar frå
klassisk til folkemusikk, og til ein meir "fri" spelestil basert på besifring
(akkordar). Me legg uansett vekt på at du får grunnleggande opplæring både når
det gjeld teknikk og notekunnskap.

Tid og stad
Undervisningtida går føre seg i kulturskulen sine lokale etter skuletid.

Utlån instrument
Kulturskulen har eit par instrument til utlån for nybyrjarar.

Blåseinstrument og aspirant

Hordaland er Norges korpsfylke. Her er stor bredde, samstundes som fylket er
representert med korps i verdsklasse.
Osterøy kulturskule ønskjer å vera ein aktiv samarbeidspartnar i arbeidet med å
utvikla korpsmiljøet i kommunen. Me tilbyr individuell undervisning på
messinginstrument, og perkusjon. Me har for tida ikkje tilbod på treblås
(saxofon, klarinett, tverrfløyte) Men dersom etterspurnaden er stor, vil me òg
prøva å få til eit tilbod på desse instrumenta.

Osterøy skulebrass
Dersom du vil spele eit blåseintrument(messing) bør du melde deg inn i
skulekorpset.

På Osterøy har vi Osterøy skulebrass (tidl. Haus og Lonevåg skulemusikklag) Som
ny musikant melder du deg på faget korpsaspirant. Dette tilbodet er gratis, ein
betalar berre ein mindre medlemskontingent til Osterøy skulebrass. Som
korpsmedlem blir du ein del av eit inspirerande musikalsk fellesskap og eit godt
sosialt miljø.

Kulturskulen leverer instruktørteneste til korpset og tilbyr som nemnd
individuell undervisning for dei som ønskjer det. Vil du vita meir kan du
kontakta kulturskulen eller korpset direkte.



Aspirantansvarleg Osterøy Skulebrass

Gunn Lohne, 97479053

Kristin Ruud Myking, 99010087

Liv R. Johnsen, 99153925.

Leiar Osterøy Skulebrass, Lene Revheim, 99773714

SMARTstart

Kva slags musikar bur i deg?
SMARTSTART er eit variert grunnopplæringstilbod i musikk for deg som skal
begynna i kulturskulen for første gong. Du får prøvd deg på song, stavspel,
piano, ukulele, gitar og rytmeinstrument. Du vil også bli kjent med notar og
musikkuttrykk slik at du er godt førebudd når du seinare vil begynna på eit
instrument. 

Tilbodet vert gjeven i gruppe på kulturskulen i Lonevåg. 

Målgruppe: Førskuleborn - t.o.m. 2. klassingar.

Tid og stad
Undervisning vert gitt i kulturskulen sine lokale og på Valestrand skule etter
skuletid. 

Låtskriving i studio

Mange sit gjerne for seg sjølve og klimprar eigne tonar på eit instrument, eller
skriv små tekstliner i det skjulte. I dette faget vil du få gode råd på vegen og
hjelp til å skapa eit ferdig musikalsk produkt anten det er eit instrumentalt
stykke eller ein song. 

Kulturskulen kan tilby studiotid og god coaching gjennom heile prossessen frå
idè til ferdig innspelt produkt. Me har godt opptaksutstyr og det siste innan
programvare. Ved å vera ein del av kulturskulen, har du og tilgang til andre
elevar som kan hjelpa til med koring og speling på ulike instrument.

Tilbodet vert organisert som 40 minuttars økter over 18 veker.

Dersom det er to som vil ha eit prosjekt i lag, vil øktene bli på 80 min.

Digital musikkproduksjon

Kulturskulen har fått nytt godt utstyrt studio og me vil derfor tilby elevane
våre faget digital musikkproduksjon. Det vil i utgangspunktet vere individuell
undervisning.

Undervisninga vil bli organisert i 40 min.økter i to bolkar kvart semester.

Sjå introduksjonsvideo her.


SLIK SØKJER DU

Registrer deg og meld deg på kurs her.

Har du vore elev i kulturskulen tidlegare, logger du deg inn her.

Brukarnamn er fødselsdatoen din, seks siffer (ddmmåå). Har du ikkje passord, ber
du om eit nytt.


KVA KOSTAR DET?

Prisar

Prisar p.r. 1.1.2020

 

Individuell instrumentopplæring 20 min

Kr 2225,-

 

 

Individuell instrumentopplæring i lag, for eksempel korps

Kr 2050,-

Liten gruppe: Bandskule/media/visuell kunst

Kr 1900,-

Stor gruppe: Teaterkor/dans/Ungdomskor

Kr 1700,-

 Redusert eigenandel

Ein kan søkja om 70% rabatt på eigenandel dersom hustanden samla har ein inntekt
under  566 100.

Søknaden må vere sendt før eleven startar undervisninga om hausten. Ordninga er
avgrensa til 15 plassar pr år.

Det vert gitt rabatt for eitt fag pr elev.

Klikk her for søknadskjema. 

NB! Søkjar må leggja ved likningsattest.

Det vert innvilga syskemoderasjon når tre eller fleire sysken samstundes er
elevar ved kulturskulen.(moderasjon 50% for søsken nr.3 og vidare) 


SKULERUTE FOR KULTURSKULEN

Kulturskuleåret føl grunnskulen si skulerute. Det vil seie at det ikkje er
undervisning på elevfrie dagar i grunnskulen.

Sjå kulturskuleruta 2022/23


REGLEMENT

Reglar for undervisning

1. Osterøy kulturskule si årlege undervisningstid føl grunnskulen si skulerute,
men me sluttar ei veke før grunnskulen sin juleferie og sommarferie. Til saman
36 veker pr år.



2.Påmeldinga gjeld for heile skuleåret.  Ein må betala fullt for påbegynt
semester.

Dersom du finn ut at faget ikkje er noko for deg, må du slutta innen 14 dagar
etter sesongstart om hausten for å unngå fakturering for haustsemesteret

Dersom ein elev ønsker å slutta etter haustsemestert, må kulturskulen få melding
om dette før 31.desember for å unngå å betala for vårhalvåret.

 

3.Eleven/føresette må gje melding til kulturskulerektor ved lengre fråvær, meir
enn  2 gonger. Læraren må få munnleg melding på førehand om kortare fråvær.

 

4.Du får faktura 2 gonger i året. (november/mai)  



5. Lengre sjukefråvære (meir enn 2 gonger) vil kulturskulen gje kompensasjon 
for gjennom ekstra timar eller ved reduksjon av eigenbetalinga.

Det vert gjeve frådrag i eigenbetalinga dersom kulturskulen på grunn av uventa
hindringar må avlysa meir enn 2 undervisningsgonger pr. semester . 

 

 

--------------------------------------------------------------------------------

Sist oppdatert: 18.01.2023
Publisert: 08.11.2018



KONTAKTINFORMASJON

56 19 21 00

Send e-post

Besøk oss

Postboks 1, 5293 Lonevåg

Meir kontaktinformasjon




SNARVEGAR

 * Om kommunen
 * Slik er vi organisert
 * Vedtekter, forskrifter og normar
 * Prisar, avgifter og gebyr
 * Faktura og rekningar
 * For tilsette
 * English
 * Søknadsskjema A-Å
 * Tilgjengelegheitserklæring


ANDRE OMRÅDER

 * Samfunnstryggleik
 * Folkehelse


INNSYN I SAKER

 * Saksinnsyn
 * Møteplan
 * Postliste
 * Møteportal for politikarar


HØYRINGAR OG KUNNGJERINGAR

Sjå saker som er ute på høyring og kunngjeringar her. 

 

 

Organisasjonsnummer: 864 338 712
Kommunenummer: 4630
Kontonummer: 3633.54.98164

Personvernerklæring og informasjonskapslar


KVA KAN EG HJELPE DEG MED?