galicianomeada.xunta.gal Open in urlscan Pro
85.91.64.77  Public Scan

Form analysis
2 forms found in the DOM

GET

<form id="idiomaForm" method="get">
  <input type="hidden" name="_csrf" value="84039eb2-92d0-4ccd-bdc3-4505a11dfece"> <input type="hidden" name="_referer" value="%2Fsixtop%2Finicio"> <input type="hidden" name="locale" value="">
</form>

POST /sixtop/logout

<form id="formLogout" action="/sixtop/logout" method="post"><input type="hidden" name="_csrf" value="84039eb2-92d0-4ccd-bdc3-4505a11dfece"></form>

Text Content

 * Galego GL Galego
 * Castellano ES Castellano



 * Inicio
 * Explora e colabora
 * Visor Filolóxico
 * Como colaborar
 * Xogo
 * Caixa de suxestións
 * Podium
 * Entrar

Plataforma


GALICIA NOMEADA

Explorar agora

Dámosche a benvida a


GALICIA NOMEADA

Galicia ten unha riqueza excepcional na súa toponimia. Na súa extensión (29.574
Km2), malia ocupar soamente un 6% do territorio de todo o estado, contén sobre
un terzo das entidades de poboación de España. Estamos a falar de arredor de
38.500 nomes de entidades de poboación que se rexistran actualmente no novo
Nomenclátor de Galicia, obra que está en fase de actualización e aprobación.

Isto no que respecta á toponimia maior, pero cando falamos da menor ou
microtoponimia, a cifra crece exponencialmente, pois calcúlase que podemos
salvagardar máis de 2 millóns de topónimos vivos na memoria dos galegos e
galegas; iso si, a meirande parte ameazados co risco de desaparecer debido ás
transformacións dos modos de vida tradicionais na nosa comunidade.

Nos anos que estivo activo o Proxecto Toponimia de Galicia (PTG) recolléronse
preto de medio millón de microtopónimos nun 35 % do territorio galego. Pero
quedan moitos nomes por rexistrar, tanto en terra coma nos máis de 2.500 km do
litoral galego. O noso mar tamén presenta unha enorme riqueza toponímica, froito
da necesidade dos vellos mariñeiros e mariscadoras de nomear e marcar aqueles
espazos onde desenvolvían a súa actividade pesqueira, un coñecemento do mar moi
personalizado do que dependía o seu sustento económico e a súa integridade
física.

A riqueza toponímica de Galicia



Galicia Nomeada é unha plataforma colaborativa para a recolleita,
xeorreferenciación e difusión da microtoponimia galega e de toda a tradición
oral asociada a ela. Esta ferramenta informática permite que o voluntariado
cultural de Galicia (particulares, asociacións veciñais e culturais, comunidades
de montes, centros de ensino, confrarías, entidades públicas e privadas...),
desde un PC, tableta ou smartphone conectado a internet, poidan achegar os
topónimos da súa aldea, parroquia ou concello, segundo unha metodoloxía
predefinida.



Salvagardar un patrimonio cultural que esmorece

Todos somos conscientes de que os nomes das terras, dos regueiros, das fontes,
dos penedos... corren un grave risco de desaparecer porque a maioría só teñen
existencia na memoria das persoas maiores. As aldeas quedan sen xente; cada vez
hai menos persoas que vivan da agricultura e da gandaría; a actividade pastoril
nas serras está case desaparecida; o GPS dos barcos substitúe o coñecemento do
medio acuático que posúen vellos mariñeiros... Por estes e por outros motivos,
cada día desaparecen ducias de topónimos, porque o que non se usa, acaba
perdéndose.

Neste momento da nosa historia, no que temos ao noso alcance o gran potencial
que ofrecen as novas tecnoloxías, dispoñemos desta aplicación Galicia Nomeada
para que todos os galegos e galegas poidamos achegar o noso gran de area
rexistrando e difundindo na rede este inmenso patrimonio inmaterial que se
agocha detrás dos nomes de lugar.

Toponimia estandarizada

Ademais, todo isto farase cumprindo coa normativa europea INSPIRE para que os
nosos topónimos sexan interoperables nas infraestruturas de datos espaciais a
nivel mundial. Os nomes de lugar, como instrumentos de localización que son, fan
a comunicación máis doada entre as persoas, pero esta comunicación debe ser
clara, non pode xerar ambigüidade ou confusión, de aí a necesidade de seren
normalizados respectando os estándares establecidos polas autoridades
competentes, isto é o Grupo de Expertos das Nacións Unidas en Nomes Xeográficos
(UNGEGN).

Saber máis

Como podo colaborar?

Participa na construción da maior obra colectiva do pobo galego



Agradecemos a túa participación na elaboración desta grande obra sobre o noso
patrimonio colectivo. Fai as túas achegas cos topónimos que mellor coñezas
rexistrándote nesta plataforma. Unha vez que accedas ao sistema, poderás seguir
o estado dos topónimos novos que nos envíes e suxerir correccións aos xa
recollidos na túa aldea ou parroquia.



Quero saber máis Quero colaborar
 * 
 * 

Ligazón á web da Xunta


Xunta de Galicia. Información mantida e publicada na internet pola Xunta de
Galicia

Atención á cidadanía - Accesibilidade - Aviso legal - Mapa do portal