awb.co.za Open in urlscan Pro
196.41.130.158  Public Scan

Form analysis
0 forms found in the DOM

Text Content

 * Tuisblad
 * Geskiedenis
   * Steyn vön Ronge
   * Eugene Ney Terre Blanche
   * Ontstaangeskiedenis
   * Simboliek
     * Gedigte
   * Embleme
   * Die AWB Lied
   * Muur van Herinnering
   * Muur van TROTS
   * Muur van SKANDE
 * Verootmoediging
 * Winkel/Store
 * Die Sweepslag
   * Die Sweepslag
   * Ou Sweepslag Publikasies
 * AWB Kalender van Gebeure
 * Kontak ons/Contact us


 * Tuisblad
 * Geskiedenis
   * - Steyn vön Ronge
   * - Eugene Ney Terre Blanche
   * - Ontstaangeskiedenis
   * - Simboliek
     * - - Gedigte
   * - Embleme
   * - Die AWB Lied
   * - Muur van Herinnering
   * - Muur van TROTS
   * - Muur van SKANDE
 * Verootmoediging
 * Winkel/Store
 * Die Sweepslag
   * - Die Sweepslag
   * - Ou Sweepslag Publikasies
 * AWB Kalender van Gebeure
 * Kontak ons/Contact us

 * 


AWB MEDIAVERKLARING



Die Afrikaner Weerstandsbeweging (AWB) het met skok en teleurstelling  kennis
geneem van die vernietiging van die AMPIE BOSMAN kultuurhistoriese museum tesame
met sy inhoud deur ‘n brand op Dinsdag 24 Oktober 2023 te Lichtenburg.

Dié insident is deel van ‘n patroon wat al meer beskadiging en vernietiging van
Afrikanerkultuurskatte en Boereerfenisterreine tot gevolg het: grafskendings,
verdwyning van kultuurhistoriese voorwerpe in die sorg van staatsbeheerde
liggame, vandalisering van Boere-gedenkterreine en insidente van brandstigting
wat permanente verlies van die Afrikaner se kultuurhistoriese erfenis tot gevolg
het.

Die vernietiging van die Ampie Bosman kultuurhistoriese museum is die mees
resente en waarskynlik die grootste verlies aan kosbare erfenisbates en
onvervangbare kultuurskatte wat die geskiedenis van die Boerevolk op die
platteland uitbeeld. Dié verlies is die direkte gevolg van wanbestuur op alle
regeringsvlakke en vorm ‘n patroon wat te Lichtenburg met die vandalisering van
genl. Koos de la Rey se graf en diefstal van sy borsbeeld aldaar ‘n aanvang
geneem het. In dié geval het die onbeholpe ondersoek van die SAPD nog geen
nadelige gevolge vir die skenders gehad nie. In geval van die Ampie Bosman
kultuurhistoriese museum is die vernietiging voorafgegaan deur twee dae van
betogings, brandstigting en openbare oproer. Die SAPD het geen sigbare stappe
geneem om openbare geboue en eiendom te beveilig nie, ten spyte van die feit dat
alle aanduidings bestaan het dat openbare eiendom bedreig word.

Die AWB hou die SAPD direk verantwoordelik vir die gebrek aan polisiëring en
beveiliging van erfenisbates wat tot hierdie ramp aanleiding gegee het. Voorts
word die Munisipale owerheid aanspreeklik gehou vir die onverantwoordelike wyse
waarop dié kultuurhistoriese museum bestuur en instand gehou is. Ten spyte van
herhaalde oproepe dat die artefakte en versamelings in dié museum onder beter
erfenisbestuur geplaas word is daar niks aan gedoen nie.

Die AWB versoek dat die SAPD spoedeisend die resultate van die ondersoek na
moontlike brandstigting sal openbaar. Voorts oefen die AWB die reg uit om self
ondersoek na die oorasake van die brand te doen, die omvang van die skade te
bepaal en diegene wat vir die verlies verantwoordelik is, aanspreeklik te hou.
Die AWB doen ook ‘n dringende oproep aan bruikleenhouers van artefakte wat
vernietig is om met die AWB in verbinding te tree sodat siviele aanspreeklikheid
van die betrokke owerheidsinstansies bepaal kan word.

Uitgereik deur:              AWB

Datum :                            25 Oktober 2023

Navrae : Steyn von Rönge  –   Leier van die AWB

                                           awbhoofkantoor777@gmail.com       018
– 2643669

                                          
steyn@awb.co.za                                 082 – 5745365

Oktober 27, 2023


AWB 50STE BESTAANSJAAR

DINEE

8ste Julie 2023

Plek:                   WAWIEL COUNTRY LODGE

                            VENTERSDORP

Tyd:                     12h00

Koste:                 R250-00

                            (Kontant kroeg)

                             Geen Denims, Tekkies of Kortbroekke nie

Kleredrag:           Semi-Formeel

                            AWB Dasse mag gedra word.

                            Dasse beskikbaar by Hoofkantoor teen R120elk

Kaartjies moet betaal word by die 1ste Junie 2023

Bespreek  so gou moontlik by HK,  daar is net 100 kaartjies beskikbaar.

U kan self die onderstaande verblyf reël, dit gaan nie deur HK behartig word
nie.

VERBLYF

Wawiel Country Lodge

0795062490

Mosaic B B

083456 6110

Doc Villa018 264 4456/ 0745349868

Mei 17, 2023


AWB 50STE BESTAANSJAAR

Mei 16, 2023


NATIONALE SKIETDAG 2023

Februarie 22, 2023


AWB AFSLUITING 2022

Alle lede welkom. Kom geniet die Naweek saam ons.

Oktober 14, 2022


LANDSBERAAD 2022

September 27, 2022


MEDIAVERKLARING



VUURWAPENBEHEERWET

25 MEI 2021

Die Afrikaner Weerstandsbeweging (AWB) het met intense teleurstelling en skok
 kennis geneem van die voorneme, van die SAPD, om die Wet op die Beheer van
Wettige Vuurwapens, Wet 60 van 2000, eensydig te wil wysig, soos onlangs in die
Staatskoerant afgekondig.

Deur huis en haard beskerming toe te pas is die reg van elke mens en burger van
hierdie land, en kan nie deur die Regering van die dag beperk en  aanbande gelê
word nie.  Die voorgestelde wysigings aan die Wapenwet is nie net verregaande
nie, maar ook teenstrydig met die Suid-Afrikaanse Grondwet.  Die Grondwet van
Suid-Afrika bepaal in die Handves van Menseregte dat elke burger die reg tot ‘n
veilige omgewing het en word dus also gewaarborg deur die Grondwet.  Die plig
rus dus op die Owerheid om sy burgers te beskerm en om toe te sien dat die
burgers van die land in veiligheid woon en werksaam is.  Omrede die Regering
klaaglik gefaal het om Suid-Afrikaners se veiligheid te waarborg, beskik elke
burger oor die reg om hom/haar self te beskerm.  Hierdie is immers ‘n
Internasionale reg wat wêreldwyd erken word.

As gevolg van die onvermoë van die SAPD, of by wyse van die gebrek aan toewyding
van die lede van die SAPD om misdaad te bekamp, vier misdaad, rampokkery en vele
ander misdrywe hoogty in die land.  Om dus jouself te wil beskerm met ‘n wettige
vuurwapen waaroor jy beskik ter selfverdediging teen hierdie misdadigers word
nou deur die Minister van Polisie as ongewens geag.

Onlangse statistiek, om maar net enkele te vermeld, van die SAPD bevestig die
volgende in SA :  (gevalle per dag)

Moord                              58

Poging tot moord         65

Roof                                  503

Huisbrake                       742

Diefstal                            1191

Totale kriminêle oortredings per dag = 6403  (25 jaar gemiddeld)

Die nuutste misdaadstatistiek toon ‘n styging in aanvalle en moord.  Sommige
SAPD lede is deel van die korrupsie wat die diens verswak.  Bheki Cele, die
Minister van Polisie, wil die burgery ontwapen deur drakoniese wetgewing,  maar
hy omring homself met talle swaargewapende lyfwagte, wat deur die
belastingbetalers  betaal word,  waar hy ookal beweeg, soos in die media berig. 
Die BBP beskerming van ampsdraers van die Owerheid, se begroting word met
miljarde rande verhoog.  Watter bedreiging staar hierdie persone  in die gesig
wat nie van toepassing is op die gewone landsburger nie.

Om te verwag dat boere en bejaarde persone wat verafgeleë en afgesonder is, 
hulleself nie mag beskerm nie,  is ondenkbaar en absurd.

Die probleem in die land is nie die wettige vuurwapens nie maar wel die
onwettige wapens wat deur bendes en kriminêle besit word met die hulp van die
polisie.

Dat bykans 25% van alle moorde toegeskryf kan word aan gewapende roof,
verkragtings, vigilantisme, bende voorvalle en of weerwraak tussen die krimineel
en die slagoffer.  Hierdie misdade  word almal met ongelisensieerde vuurwapens
gepleeg.

As die Owerheid stabiliteit en vrede in die land wil handhaaf spreek die
probleem van onwettige vuurwapens aan. Laat vaar die aanslag op die persoon wat
oor ‘n wettige wapen beskik om te jag, sportskiet te be-oefen of om hom/haarself
te beskerm teen die kriminêle elemente  en om sy/haar wapen te mag gebruik vir
dit waarvoor dit bestem en gelisensieer is.

Die AWB daag die Minister van Polisie uit om die statistiek bekend te maak van
hoeveel onwettige vuurwapens betrokke is by misdaad teenoor hoeveel wettige
eienaars met wettig gelisensieerde wapens by hoeveel en watter tipe misdaad
betrokke is of was.

Die vraag kan geopper word met die ANC wat die huidige Gronwet van die land wil
verander om ondermeer eiendom te onteien sonder vergoeding, wat is die
sogenaamde dringendheid nou om die vuurwapenwet te wil wysig ?  Hou dit vir
hulle enige gevaar in ?.

Die lede van die AWB, as westgehoorsame landburgers,  gaan hulle nie laat
intimideer deur die boelie taktiek wat die Regering toepas om van wettig
gelisensieerde vuurwapens ontslae te raak nie.  Die AWB sal hierdie boelie
taktiek met hand en tand beveg met alle hulpmiddels tot hulle beskikking.

Die eensydige ontneming van ‘n wettige vuurwapenlisensie, wat voorheen deur die
ANC Regering toegeken is aan ‘n vuurwapen eienaar is ononderhandelbaar en sal
nie geduld word nie.

Die geskiedenis van die wêreld bewys onteenseglik dat waar daar in die verlede
landsburgers die reg ontneem is om oor vuurwapens te beskik die uitkoms was die
van VOLKSMOORD en ANARGIE. Hierdie toedrag van sake is vir die AWB en sy
ondersteuners onaanvaarbaar !

Vir die eerste keer in die geskiedenis word dit nou duidelik dat met die
onderskeie groepe wat ons in die land aantref, en wat almal oor gemeenskaplike
eiendom/saak beskik, daar nou die  kwelpunte na die oppervlak kristaliseer. 
Hulle probleem is ons probleem en ons probleem is hulle probleem !

Die AWB sal uitreik na alle verteenwoordigende organisasies en persone, wat oor
wettige vuurwapenlisensies beskik en wat dieselfde uitkoms nastreef as
hulleself, om oor hierdie kwessies te vergader en te beraadslaag.

Uitgereik deur:              AWB

Datum :                            25 Mei 2021

Navrae :                           Steyn von Rönge

Leier van die AWB

                                           Sel no 082 574 5365

AWB MEDIA VERKLARING – WAPENONTEIENING

Die voorgenome implementering van Wetgewing, en ander pogings wat aangewend
word, om persone wat beskik oor lisensies om ‘n wapen te mag besit en te
gebruik, van hulle wapens te ontneem op slinkse en slu wyses word deur die
AFRIKANER WEERSTANDSBEWEGING (AWB)  ten sterkste veroordeel en geminag.

Ons woon in ‘n land waar daar  meer as 20,000 moorde per jaar gepleeg word. 
Misdaad in die Republiek van Suid-Afrika is totaal en al buite beheer en kan die
Suid-Afrikaanse Polisie Diens dit nie beheer en onder bedwang kry nie. 
Plaasmoorde is aan die orde van die dag en van die wreedste denkbare metodes
word gebruik om Landbouers en hulle naasbestaandes op die wreedaardigste
moontlike wyses te moor, te verkrag en te skend sedert 1994.  Polarisasie van
blankes word aangevuur en aangehits deur senior politici van die land sowel as
van die Opposisie politieke partye in die Parlement.  Die blankes in die land
word uitgekryt en beskryf as “KOLONIALISTE” as sogenaamde “IMMIGRANTE” as
“SETTLERS” en as die “ROWERS” en “DIEWE” van landbougrond.  Die grootste verlies
van vuurwapens tesame met ammunisie vind plaas by die veiligheidsmagte van
Suid-Afrika en wel by die SAPD en die SANW.  Daar is ook vele bewyse wat bestaan
dat lede van die Veiligheidsmagte betrokke is by misdaad, soos plaasaanvalle,
transito rooftogte van geld en vele meer.  Wapens van die Veiligheidsmagte asook
vuurwapens wat reeds ingehandig is vir vernietiging, deur wettige eienaars, word
deur die misdadigers gebruik as onwettige en ongelisensieerde vuurwapens om
hierdie aksies uit te voer.

Met die voormelde inagenome is daar nou pogings  en dreigemente om die eienaars
van wettige vuurwapens hulle reg op die besit en gebruik van hulle wapens te
ontsê en te ontneem, en selfs in gevangenisse te laat opsluit.

Met die huidige stand van sake in die land is daar nie ‘n manier hoe wettige
vuurwapen eienaars van die AWB hulle wapens kan of sal terug handig aan die SAPD
nie.   Daar word voortdurend ‘n beroep op AWB lede gedoen om binne die wet te
handel en te wandel.

As die ANC, wat tans die Regering van die dag is, wette wil implementeer wat
teen die verloop van die huidige Grondwet van die land is, sal die AWB dit nie
erken nie.  Die huidige Grondwet van die land bepaal uitdruklik dat elke wettige
burger en  inwoner van die land oor die reg beskik om sy lewe te mag BESKERM. In
die Handves van Menseregte, Hoofstuk 2 van die Grondwet, wet 108 van 1996, wat
geïnkoporeer is in die Grondwet van die RSA, word dit duidelik en breedvoerig
omskryf dat elke landsburger die reg het op menswaardigheid en  dit dus  kan
beskerm. Verder dat daar nie teenoor ‘n persoon wat ‘n burger van hierdie land
is gediskrimineer mag word nie.

Mnr Malema van die EFF maak uitsprake dat: “ ….die slagting van blankes nie nou
gaan plaasvind nie ….”  Uitsprake deur senior ministers van die Regering en
selfs voormalige Presidente van die land huldig dieselfde strekking.  Hierdie
tipe van  uitsprake bring ‘n gevoel van onrustigheid, bedreiging en intemedering
by sommige landsburgers tuis.

Om hierdie rede ag die AWB se Uitvoerende Raad dit dwaas en onbedag om enigsins
van ‘n wettig gelisensieerde wapen ontslae te wil raak.

Die oorgrote meerderheid van misdaad in Suid-Afrika word met onwettige wapens
deur misdadigers gepleeg.

Die Owerheid word gemaan om versigtig te wees met uitsprake en die moontlike
implementering van wetgewing om van wettig gelisensieerde wapens van burgers van
die land onregmatig te wil terugneem omrede die Grondwet van die RSA  en die
Internasionale Reg dit voorstaan dat elke burger van die land die reg het om sy
eiendom en sy lewe te mag beskerm.

Daar bestaan vele bewyse dat hulle wat ons beskuldig en beswadder aandadig is
aan die Volksmoorde in ander lande.

Dit word wyd en algemeen in die media verkondig dat : “Africa’s most endangerd
species – the white farmer “ tans onder beleg is.  Hierdie gaan aanleiding gee
tot ‘n tekort aan voedselsekerheid wat verder gaan lei tot hongersnood en ‘n
drastiese toename in misdaad,  weens mense se strewe na oorlewing.

Die AWB sê prontuit ons kan nie ons wapens inhandig nie.  Maar as gevolg van die
bogenoemde stellings sê ons nou ons SAL NIE en GAAN NIE ons wapens aan
misdadigers  oorhandig nie.

Die AWB wil met niemand in konflik tree nie.  Die AWB wil met niemand in ‘n
geveg betrokke raak nie.  Die AWB wil net dat sy lede en ondersteuners oor  die
reg beskik  om hulleself te beskerm,  hulle lewens en hulle eiendom en die van
hulle naasbestaandes.  Maar as daardie reg van ons weggeneem wil word, of gaan
word, dan sal die AWB sê : Ons sal nie ons wapens inhandig nie.  Wie gaan ons
beskerm ?  Die SAPD is nie bevoeg om die burgers van die land in veilige
omstandighede te laat voortleef nie  en daarmee saam kan en wil hulle nie
toesien tot vreedsame naasbestaan van die burgers van die RSA nie.  Die SAPD is
hoogs omstrede weens hulle betrokkenheid  by plaasaanvalle en misdaad van self
kontant transito rooftogte.

Die AWB is genoodsaak om in die bres te tree vir die nageslag, of daar sal nie
een wees nie.

Die AWB wil  dit weereens beklemtoon dat Internasionale Wette en die
Internasionale Reg, sowel as die Grondwet van die RSA maak uitdruklik daarvoor
voorsiening dat ‘n persoon homself en sy eiendom  kan en mag beskerm, tydens
geweld, tydens volksmoord en tydens enige misdaad van welke aard ookal.

Die AWB en sy ondersteuners  staan op die kantlyn en is nie betrokke of ‘n party
tot die konflik nie.  Maar indien daar ‘n aanslag op ons mag wees  wil ons 
onsself daar kan verdedig en beskerm  met wettig gelisensieerde vuurwapens.  In
hierdie verband streef die AWB en sy ondersteuners  daarna  om wetsgehoorsame
burgers te wil wees.  Om nie soos die misdadigers  en ongehoorsame persone met
onwettige en ongelisensieerde vuurwapens op te tree nie.

Waar het die AWB se lede, wat hoogs gedissiplineerd is,  die afgelope 10 tot 15
jaar enige moord gepleeg ?  Of was hulle betrokke by transito rowe, misdaad of
korrupsie ?  Die AWB lede weerhou hulle van aanranding op onskuldige persone. 
Misdaad, korrupsie, aanranding, verkragting, handeldryf in mensehandel, transito
rowe en ander misdaad is nie in die styl van die AWB nie.

Met die onfeilbare skoon rekord van hierdie Beweging waaroor dit beskik  en sy
strewe om slegs sy lede paraat te kry deur die beskerming van huis en haard toe
te pas  en nou  sy lede wederegtelik te wil ontneem van sy konstitusionele reg
om ‘n vuurwapen te mag besit om sodoende  sy lewe en eiendom te mag beskerm, dit
in stryd is met die Internasionale Reg.

Om die WETSGEHOORSAME burgers van hierdie land onregmatig te ontwapen – Daar is
nie ‘n manier nie !!!  Ons sal dit teenstaan en met alles tot ons vermoë bestry
en beveg.

Generale Staf en Uitvoerende Raad

AWB

25/05/2021

Mei 26, 2021


LANDSBERAAD 2020

 * 

September 30, 2020


VERJAARDAGWENSE

Die AWB en Generale staf wens Leier Steyn Von Rönge geluk met die herdenking van
sy geboorte dag. Mag ons Vader sy paaie uitlé met genadegawes vir die jare wat
voorlê.

Boere groete

April 7, 2020


VIR KENNISNAME – JOHANN JEPPE



Maart 21, 2020

 * 1
 * 2
 * 3
 * Next ›
 * »


MY KINDERS. BLY GETROU AAN JULLE GOD, VOLK EN VADERLAND.

Kom lê jou hand in myne, saam sal ons wen!

U KAN ONDERSTAANDE VORMS AFLAAI, INVUL EN AAN HOOFKANTOOR STUUR PER FAKS (+2718
264 2516) OF EPOS (MTB@TELKOMSA.NET).

YOU CAN DOWNLOAD THE BELOW FORMS, FILL IT IN AND SEND IT TO HEADOFFICE VIA FAX
(+2718 264 2516) OR EMAIL (MTB@TELKOMSA.NET).



AWB EED 2019

2019 AANSOEK VIR EPOS

2019 AWB MEMBERSHIP APPLICATION



  Die AWB ondersteun die Volksraad Verkiesings Komissie, besoek die webblad
hier: VVK.co.za  


KOPIEREG

Alle inhoud, teks, beeldmateriaal, fotos en prente is Kopiereg van Die AWB en
Brandwag. Alle regte word voorbehou. Sien ook Embleme afdeling vir kopiereg op
alle embleme van die AWB en Brandwag.


Developed by Think Up Themes Ltd. Powered by WordPress.