paris2024.amada.az Open in urlscan Pro
67.222.39.92  Public Scan

Form analysis
0 forms found in the DOM

Text Content

paris2024@amada.az +994502188206

 * Əsas səhifə
 * Qadağan olunmuş siyahı
 * Tİİ
 * Video təlimat
 * Tez-tez verilən suallar
   
 * Əlaqə
 * AZ
   * EN


PARIS 2024 İDMANÇILAR ÜÇÜN ANTIDOPINQ MƏLUMATI PORTALI

Bütün vacib məlumatları buradan əldə edin.

Teleqram kanalı Watch Video

QADAĞAN OLUNMUŞ SIYAHI

Hər bir idmançının istifadə etdiyi və ya istifadə etməyi planlaşdırdığı maddə və
ya metodun "Qadağan olunmuş siyahı 2024"-ə daxil olub-olmadığını müəyyən etmək
idmançının məsuliyyətindədir. Qeyd etmək lazımdır ki, idmançılar üçün hər zaman,
o cümlədən oyunlar zamanı WADA-nın "Qadağan olunmuş maddələr siyahısı"
qüvvədədir.

DOPINQ NƏZARƏTI PROSESI

Paris 2024 Yay Olimpiya Oyunları dövründə, 18 iyul - 11 avqust 2024 tarixləri
arasında, IOC Antidopinq Qaydaları qüvvədə olacaq. Bu qaydalar, 2021 Ümumdünya
Antidopinq Məcəlləsinə əsaslanır və oyunlar dövründə və oyunlara hazırlıq
müddətində, yerləşdikləri yerdən asılı olmayaraq, idmançıların hər zaman test
edilməsinə imkan verir.

TERAPEVTIK ISTIFADƏ ÜÇÜN ISTISNA (Tİİ)

IOC Antidopinq qaydaları idmançıların təyin olunmuş müalicəni tələb etməsi və
buna icazə verilməsi üçün xüsusi bir proses nəzərdə tutur. Tİİ-lər üçün
müraciətlər ITA tərəfindən təyin olunmuş Beynəlxalq Tİİ Komitəsi adlı həkimlər
paneli tərəfindən qiymətləndirilir.

MƏKAN MƏLUMATI

Təmiz idmançıları qorumaq və dopinqlə mübarizənin effektivliyini artırmaq üçün
MADT və/və ya BF milli və beynəlxalq test qrupuna daxil edilmiş idmançılar
WADA-nın Antidopinq İdarəetmə və İnzibatçılıq Sistemi (“ADAMS”) vasitəsilə tələb
olunan məlumatları təqdim etməyə davam etməlidirlər.


QADAĞAN OLUNMUŞ SIYAHI

Qadağan olunmuş siyahı

 * WADA QADAĞAN OLUNMUŞ SIYAHI 2024

 * İSTIFADƏSINƏ ICAZƏ VERILƏN DƏRMAN VASITƏLƏRININ YOXLANILMASI

 * FRANSADA ALINAN DƏRMAN VASITƏLƏRI ÜÇÜN AFLD RƏSMI VEB SAYTI

İdmançılara hər zaman, o cümlədən oyunlar zamanı tətbiq olunan WADA-nın Qadağan
olunmuş Maddələr Siyahısı 2024 qüvvədədir. Oyunlar çərçivəsində toplanan bütün
nümunələr Qadağan olunmuş siyahı 2024-də qeyd olunan qadağan olunmuş maddələr və
qadağan olunmuş metodlar üzrə yoxlanılacaq. Hər bir idmançının istifadə etdiyi
və ya istifadə etməyi planlaşdırdığı maddə və ya metodun Qadağan olunmuş siyahı
2024-ə daxil olub-olmadığını müəyyən etmək idmançının məsuliyyətindədir.


DNP

Dopinq Nəzarəti Prosesi

 * Bildiriş alma;

 * Nümunə toplama qabının seçilməsi;

 * Nümunə təqdim etmə;

 * Nümunə saxlanma dəstinin seçilməsi;

 * Nümunənin bölünməsi;

 * Nisbi sıxlığın ölçülməsi;

 * Dopinq nəzarəti formasının imzalanması;




TERAPEVTIK ISTIFADƏ ÜÇÜN ISTISNA (Tİİ)

İdmançının hər hansı xəstəliyinin və ya tibbi vəziyyətinin müalicə olunması üçün
istifadəsi tələb olunan maddə və ya üsul Ümumdünya Antidopinq Agentliyinin
(WADA) Qadağan olunmuş siyahısına əsasən qadağan olduqda, Tİİ həmin idmançıya bu
maddəni və ya üsulu Antidopinq Qayda Pozuntusuna (AQP) yol vermədən və müvafiq
sanksiyaya məruz qalmadan idmanda istifadə etmək üçün icazə verə bilər.

IOC Antidopinq Qaydaları idmançıların təyin olunmuş müalicəni tələb etməsi və
buna icazə verilməsi üçün xüsusi bir proses nəzərdə tutur. Tİİ-lər üçün
müraciətlər ITA tərəfindən təyin olunmuş Beynəlxalq Tİİ Komitəsi adlı həkimlər
paneli tərəfindən qiymətləndirilir. 

Paris 2024 YayOlimpiya Oyunları üçün Tİİ-lər haqqında bütün müvafiq məlumatları
ITA-nın saytında tapmaq olar:
• Terapevtik İstifadə üçün İstisnalar (Tİİ-lər) – Paris 2024 Yay Olimpiya
Oyunları 

Ətraflı


MƏKAN MƏLUMATI

MOK-lar Olimpiya Oyunları dövründə öz nümayəndə heyətlərinə aid olan bütün
idmançıların məkan məlumatlarını ITA-ya “ITA Rooming List” Tətbiqi vasitəsilə
təqdim etməlidirlər. Bu məlumatlar missiya rəhbəri və ya digər təyin olunmuş
heyət tərəfindən Olimpiya kəndinə və hər hansı digər rəsmi yaşayış yerlərinə və
ya fərdi yaşayış yerlərinə gəlişlərindən 24 saat ərzində ITA-ya təqdim
edilməlidir.

Məkan məlumatlarının məcburi dövrü aşağıdakı iki tələbin yerinə yetirildiyi dövr
kimi müəyyən edilir:

 1.   Oyunlar dövründə (18 iyul – 11 avqust)
 2.   Hər bir idmançının Fransada olması dövründə

Məkan məlumatlarının təqdim edilməməsi idmançılar və MOK-lar üçün intizam
nəticələri nə səbəb ola bilər.

Ətraflı



VIDEO

"Paris 2024" Yay Olimpiya Oyunları üçün video təlimat




XƏBƏRLƏR

Xəbərlər

AMADA “PARIS-2024” YAY OLIMPIYA VƏ PARALIMPIYA OYUNLARI ƏRƏFƏSINDƏ INNOVATIV
YANAŞMALAR TƏTBIQ EDIR

23-07-2024 Ətraflı

AMADA “PARIS-2024” YAY OLIMPIYA VƏ PARALIMPIYA OYUNLARI ƏRƏFƏSINDƏ INNOVATIV
YANAŞMALAR TƏTBIQ EDIR

    Azərbaycan Milli Antidopinq Agentliyi (AMADA) “Paris-2024” Yay Olimpiya və
Paralimpiya oyunları zamanı idmançılarımızın hüquqlarını qorumaq və
məlumatlılığı əlçatan etmək üçün artıq innovativ yanaşmalar tətbiq edir. AMADA
Parisdə yarışacaq idmançılar və idmançının köməkçi heyəti üçün rəqəmsal
platformalar üzərindən yeni imkanlar açıb.
    Olimpiya və Paralimpiya komandalarımızın üzvləri Agentliyin “Telegram”
 kanalı vasitəsilə dopinq nəzarəti prosesi, Qadağan edilmiş siyahı, Terapevtik
İstifadə üçün İstisna (Tİİ) və digər mövzular ilə bağlı ətraflı məlumat əldə edə
bilərlər. Həmçinin yeni fəaliyyətə başlayan paris2024.amada.az saytına daxil
olaraq, axtardıqları bütün suallara cavab tapacaqlar. Sayt iki – Azərbaycan və
ingilis dillərində fəaliyyət göstərir. 
      İdmançılar və idmançı köməkçi heyəti AMADA-nın +99450-218-82-06 nömrəsi
vasitəsilə əlaqə saxlayaraq, habelə “Whatsapp” üzərindən dopinq nəzarəti ilə
bağlı bütün suallarına operativ və dolğun şəkildə cavab tapa biləcəklər. 
Həmçinin AMADA tərəfindən “Paris-2024” Yay Olimpiya Oyunlarında iştirak edən
idmançı və idmançı köməkçi heyəti üçün Olimpiadanın antidopinq qaydalarını
özündə cəmləşdirən maarifləndirici videoçarx hazırlanıb. Həmin videoçarx ilə
AMADA-nın sosial şəbəkə hesablarında və rəsmi saytında tanış olmaq mümkündür.  
     AMADA-nın icraçı direktoru Təhminə Tağı-zadə həyata keçirilən layihələrin
təmiz idman dəyərlərinə hesablanmış növbəti addım olduğunu bildirib. Qeyd edib
ki, agentlik olaraq idmançıların hüquqlarının qorunması və təmiz qələbələr ilə
xalqımızı sevindirməsi AMADA üçün prioritet təşkil edir. Dördilliyin zirvə
yarışı zamanı əməkdaşlarımız hər bir müraciətə böyük diqqətlə yanaşacaq,
idmançılarımızın üzləşə biləcəyi hər hansı antidopinq problemi ilə bağlı öz
məsləhətlərini əsirgəməyəcəklər. 
    Həyata keçirilən innovativ yanaşmaların başlıca məqsədinin Olimpiya və
Paralimpiya komandalarımızın dəstəklənməsi olduğunu bildirən AMADA rəsmisi
antidopinq sahəsində məlumatlandırmanın əlçatan olması və təmiz idman mühitinin
formalaşdırılması istiqamətində fəaliyyətin bundan sonra da davam etdiriləcəyini
diqqətə çatdırıb.

 

Close

ITA PARIS OLIMPIADASINDA IŞTIRAK EDƏCƏK IDMANÇILARIN 90 FAIZINI ÖNCƏDƏN DOPINQ
TESTLƏRINDƏN KEÇIRIB

24-07-2024 Ətraflı

ITA PARIS OLIMPIADASINDA IŞTIRAK EDƏCƏK IDMANÇILARIN 90 FAIZINI ÖNCƏDƏN DOPINQ
TESTLƏRINDƏN KEÇIRIB

Beynəlxalq Test Agentliyi (ITA) Parisdə keçiriləcək Yay Olimpiya Oyunlarında
iştirak edəcək idmançıların 90 faizini öncədən dopinq testlərindən keçirib.

Bu barədə ITA məlumat yayıb.

ITA cari ilin ilk altı ayında 32 min 600-dən çox dopinq testi həyata keçirib.
Bu, ötən ilin analoji dövrü ilə müqayisədə 45 faiz çoxdur.

Daha çox test Çin, neytral statusda çıxış edəcək Rusiya və Belarus
idmançılarndan götürülüb.   

Cari ilin ilk altı ayı ərzində həyata keçirilən testlər zamanı 85 antidopinq
qayda pozuntusu üzrə iddia qaldırılıb. Həmin iddiaların bəziləri barədə
sanksiyalar tətbiq olunub, bəziləri isə icraatdadır. 

Dopinq nəzarəti prosesinə cəlb olunan idmançıların 75 faizi ən azı üç dəfə test
olunub. Bu testlər ağırlıqqaldırma da daxil olmaqla, yüksək riskli idman növləri
üzrə təmsilçilərdən götürülüb. Belə ki, Yay Olimpiya Oyunları tarixində olan
bütün antidopinq qayda pozuntularının dörddə biri idmanın bu növünün payına
düşür.

Həmçinin triatlon və üzgüçülük yarışlarında mübarizə aparacaq idmançılar ən azı
bir dəfə test olunub. Gimnastika yarışlarında çıxış edəcək idmançıların 99,
atletika yarışlarında mübarizə aparanların 89, futbolçuların isə 63 faizi dopinq
nəzarəti prosesinə cəlb olunub. 

 

Close

Tİİ-NIN ELIT IDMANDA GENIŞ YAYILMADIĞI SÜBUT OLUNUB



26-07-2024 Ətraflı

Tİİ-NIN ELIT IDMANDA GENIŞ YAYILMADIĞI SÜBUT OLUNUB

         Ümumdünya Antidopinq Agentliyi (WADA) tərəfindən aparılan son
araşdırmaya əsasən, Terapevtik İstifadə üçün İstisnaların (Tİİ) elit idmanda
geniş yayılmadığı sübut olunub. Tİİ – antidopinq təşkilatları tərəfindən
sağlamlıq problemi olan idmançıya Terapevtik İstifadə üçün İstisna üzrə
Beynəlxalq Standartda (ISTUE) qeyd olunan meyarlara cavab verdikdə, qadağan
olunmuş maddə və ya üsuldan istifadəyə imkan verən xüsusi istisnadır.

    “British Journal of Sports Medicine” jurnalında dərc edilən araşdırmanın
tədqiqatçıları 2016-2022-ci illərdə Olimpiya və Paralimpiya oyunlarında etibarlı
Tİİ icazəsi ilə yarışan idmançıların sayının, müvafiq olaraq, 1 faizdən və 3
faizdən  az olduğu qənaətinə gəliblər.  

    Tədqiqatçılar “Rio-2016”, “Pxençxan-2018”, “Tokio-2020” və “Pekin-2022”
Olimpiya və Paralimpiya oyunlarına qatılan, həmçinin etibarlı Tİİ icazəsi olan
idmançılar da daxil olmaqla, səkkiz qrup idmançının məlumatlarını araşdırıblar.
 Dörd Olimpiya Oyunlarında iştirak edən 28 min 583 idmançıdan Tİİ
istifadəçilərinin sayı 0,90 faiz, eyni sayda Paralimpiya Oyunlarında isə 9 min
852 idmançı arasında 2,76 faiz təşkil edib.  Tədqiqatda Yay Olimpiya Oyunlarında
Tİİ ilə əlaqəli ən çox istifadə edilən maddələrin qlükokortikoidlər
(Rio-de-Janeyroda 0,50 faiz) və stimullaşdırıcılar (Tokioda 0,39 faiz) olduğu
bildirilib. Yay Paralimpiya Oyunlarında isə ən çox istifadə  edilən maddələr
diuretiklər (Rio-de-Janeyroda 0,79 faiz) və stimullaşdırıcılar (Tokioda 0,75
faiz) olub. Qış Olimpiya Oyunlarında isə Tİİ göstəriciləri çox aşağı olub.

 Araşdırma Tİİ sisteminin idmançıları dəstəkləmək və təmiz idmanı qorumaq üçün
əsas vasitə olduğunu təsdiqləyib.

Close


MƏLUMAT BÖLMƏSI

DOPINQ NƏZARƏTI PROSESI ADDIMLARI.

 1.  İdmançı seçimi 
 2.  Bildiriş 
 3.  Dopinq Nəzarəti Məntəqəsinə gəliş 
 4.  Nümunə toplanması qabının seçilməsi 
 5.  Nümunənin təmin olunması 
 6.  Nümunə saxlanma dəstinin seçilməsi 
 7.  Nümunənin “A” və “B” qablarına bölünməsi 
 8.  Nümunənin kip bağlanaraq qablaşdırılması 
 9.  Nisbi sıxlığın ölçülməsi 
 10. Dopinq Nəzarəti Formasının yoxlanılması

Ətraflı

İDMANÇI HÜQUQLARI

 1. DNP həyata keçirən şəxsin akkreditasiya sənədini tələb etmək;
 2. DNP haqqında əlavə məlumat əldə etmək; 
 3. Nümayəndənin iştirakını tələb etmək; 
 4. Ehtiyac yarandığı halda tərcüməçi tələb etmək; 
 5. Gecikmə üçün əsaslı səbəb olmadığı halda dərhal dopinq nəzarəti məntəqəsinə
    gəlmək;
 6.  Zərurət olarsa tibbi yardımdan istifadə etmək; 
 7. Sağlamlıq imkanı məhdud şəxs olduğu halda dəyişikliklər edilməsi barədə
    müraciət etmək; 
 8. DNP ilə əlaqədar idmançıya şübhəli gələn məqamların sənədləşməsini tələb
    etmək; 
 9. Dopinq Nəzarəti Formasının surətini tələb etmək;

Ətraflı..

İDMANÇI ÖHDƏLIKLƏR

 1. Bildiriş alan andan DNP bitənə qədər DNİ/Şaperonun müşayiəti altında qalmaq;
 2. Şəxsiyyəti təsdiq edən şəkilli sənəd təqdim etmək; 
 3. DNP riayət etmək; 
 4. Bildirişdən sonra ilk sidik nümunəsini DNM-da təmin etmək; 
 5. Gecikmək üçün əsaslı səbəb olmadıqda dərhal DNM-ya getmək;

GECIKMƏK ÜÇÜN ƏSASLI SƏBƏBLƏR

 1.  Mükafatlandırma Mərasimində iştirak; 
 2.  Media öhdəliklərin icrası; 
 3. Sonrakı yarışlarda iştirak və ya məşqin başa çatması; 
 4. Zəruri tibbi müalicənin alınması; 
 5. Nümayəndə və/və ya tərcüməçinin axtarılması; 
 6. Fotoşəkilli şəxsiyyəti təsdiq edən sənədin əldə olunması; 
 7. Sakitləşmək üçün zaman;

TERAPEVTIK ISTIFADƏ ÜÇÜN ISTISNA (Tİİ)

IOC Antidopinq Qaydaları idmançıların təyin olunmuş müalicəni tələb etməsi və
buna icazə verilməsi üçün xüsusi bir proses nəzərdə tutur. Tİİ-lər üçün
müraciətlər ITA tərəfindən təyin olunmuş Beynəlxalq Tİİ Komitəsi adlı həkimlər
paneli tərəfindən qiymətləndirilir. 

Paris 2024 Yay Olimpiya Oyunları üçün Tİİ-lər haqqında bütün müvafiq məlumatları
ITA-nın saytında tapmaq olar: 

Terapevtik İstifadə üçün İstisnalar (Tİİ-lər) – Paris 2024 Yay Olimpiya Oyunları

Ətraflı

QADAĞAN OLUNMUŞ SIYAHI

İdmançılara hər zaman, o cümlədən Oyunlar zamanı tətbiq olunan WADA-nın Qadağan
olunmuş maddələr siyahısı 2024 (bundan sonra "Qadağan olunmuş siyahı 2024"
adlanacaq) qüvvədədir. Oyunlar çərçivəsində toplanan bütün nümunələr Qadağan
olunmuş siyahı 2024-də qeyd olunan qadağan olunmuş maddələr və qadağan olunmuş
metodlar üzrə yoxlanılacaq. Hər bir idmançının istifadə etdiyi və ya istifadə
etməyi planlaşdırdığı maddə və ya metodun Qadağan olunmuş siyahı 2024-ə daxil
olub-olmadığını müəyyən etmək idmançının məsuliyyətindədir. 

Qeyd etmək lazımdır ki, Qadağan edimiş Siyahı 2024 bir neçə dildə mövcuddur:
İngilis, Ərəb, Katalan, Fransız, Alman, Yunan, Norveç, Portuqal, İspan və Türk
dillərində. 

İdmançılardan, onların ətrafındakı şəxslərdən və bütün maraqlı tərəflərdən
tramadol ilə bağlı böyük dəyişiklikləri nəzərə almalarını xahiş edirik və WADA
tramadol haqqında İdmançılar və İdmançının Köməkçi heyəti üçün Məlumat Vərəqəsi
hazırlamışdır ki, bu da WADA-nın saytında mövcuddur.

 Dərmanlarınızı yoxlamaq üçün daha çox məsləhət almaq istəyirsinizsə, bu
resursdan istifadə edin: 

 * WADA Qadağan olunmuş siyahı 2024
 * Fransada alınan dərman vasitələri üçün AFLD rəsmi veb saytı
 * Fransada istifadəsinə icazə verilən dərman vasitələrinin yoxlanılmasI

Ətraflı...

MƏKAN MƏLUMATI

Təmiz idmançıları qorumaq və dopinqlə mübarizənin effektivliyini artırmaq üçün
MADT və/və ya BF milli və beynəlxalq test qrupuna daxil edilmiş idmançılar
WADA-nın Antidopinq İdarəetmə və İnzibatçılıq Sistemi (“ADAMS”) vasitəsilə tələb
olunan məlumatları təqdim etməyə davam etməlidirlər. ADAMS məlumatların əldə
olunması üçün istifadə ediləcək. Lazım olduqda idmançıları tapmaqda kömək etmək
və həmçinin idmançıların məlumatların təqdim olunması tələblərinə tam riayət
etmələrinin vacibliyini anlamaqlarını təmin etmək üçün ITA tərəfindən MOK-ların
köməyi tələb olunacaq. Xüsusi hallarda, müvafiq BF və ya MADT idmançıların
yerlərini toplamaq üçün onları Qeydiyyata Alınmış Test Qrupuna və ya Test
Qruplarına daxil etmələrini istəyə bilər.

MOK-lar Olimpiya Oyunları dövründə öz nümayəndə heyətlərinə aid olan bütün
idmançıların məkan məlumatlarını ITA-ya “ITA Rooming List” Tətbiqi vasitəsilə
təqdim etməlidirlər. Bu məlumatlar missiya rəhbəri və ya digər təyin olunmuş
heyət tərəfindən Olimpiya kəndinə və hər hansı digər rəsmi yaşayış yerlərinə və
ya fərdi yaşayış yerlərinə gəlişlərindən 24 saat ərzində ITA-ya təqdim
edilməlidir.

Məkan məlumatlarının məcburi dövrü aşağıdakı iki tələbin yerinə yetirildiyi dövr
kimi müəyyən edilir:

 * Oyunlar dövründə (18 iyul – 11 avqust); 
 * Hər bir idmançının Fransada olması

MOK-lar həmçinin məkan məlumatlarının yenilənməsini izləməli və idarə etməli, və
ITA tərəfindən tələb olunan hər hansı digər məntiqli köməyi təmin etməlidirlər
ki, öz nümayəndə heyətlərinə aid idmançıların yerləri müəyyən edilsin.

“ITA Rooming List” Tətbiqinin məqsədi MOK-lara məkan məlumatlarının təqdim
edilməsini asanlaşdıran bir tətbiq təmin etməkdir.

Bu tətbiqin detalları aşağıdakı kimidir:

 * ITA hər bir MOK ilə əlaqə saxlayacaq və tətbiqə necə qoşulmaq barədə
   təlimatları email vasitəsilə göndərəcək;
 * ITA-dan email aldıqdan sonra, mobil telefonunuzda və ya kompüterinizdə
   tətbiqə necə daxil olmaq barədə təlimatlar üçün https://toolkit.ita.sport/NOC
    linkinə daxil olun;
 * MOK tətbiqdə öz nümayəndə heyətlərinə aid idmançıların əvvəlcədən doldurulmuş
   siyahısını tapacaq;
 * MOK bütün idmançılar üçün tələb olunan məlumatları (məkan məlumatları, qalma
   müddəti) daxil etməlidir;
 * MOK idmançıların yerləşmə bölgüsündə hər hansı dəyişikliklər olduqda
   məlumatları yeniləməlidir.

Əgər məkan məlumatlarını öz tətbiqiniz vasitəsilə artıq idarə edirsinizsə,
tətbiqi kütləvi yükləmələr etməyə imkan verir. Təlimatlar üçün bələdçini oxuyun
və dəstək üçün support.rooming@ita.sport  ilə əlaqə saxlayın. Alınan məlumatlar
tam məxfiliklə idarə olunacaq və yalnız Dopinq Nəzarəti fəaliyyətləri üçün
istifadə olunacaq.

Məkan məlumatlarının təqdim edilməməsi idmançılar və MOK-lar üçün intizam
nəticələrinə səbəb ola bilər.


FAYDALI KEÇIDLƏR

Faydalı keçidlər


IOC ANTIDOPINQ QAYDALARI

Daha ətraflı


Tİİ ÜÇÜN ƏLAVƏ MƏLUMAT:

Daha ətraflı


DƏRMANLARIN YOXLANILMASI

Daha ətraflı


IOC PARIS 2024 SƏHIFƏSI

Daha ətraflı


PARIS 2024 RƏSMI SƏHIFƏSI

Daha ətraflı


ITA PARIS 2024 SƏHIFƏSI

Daha ətraflı


F.A.Q

Tez-tez verilən suallar


PARIS YAY OLIMPIYA OYUNLARI ZAMANI DOPINQ NƏZARƏTI FƏALIYYƏTLƏRINI KIM HƏYATA
KEÇIRIR?

Beynəlxalq Olimpiya Komitəsi (IOC) tərəfindən Beynəlxalq Test Agentliyinə (ITA)
2024 Paris Yay Olimpiya Oyunları zamanı Dopinq Nəzarəti fəaliyyətlərini həyata
keçirmək səlahiyyəti verilmişdir.


2024 PARIS YAY OLIMPIYA OYUNLARI ÜÇÜN BEYNƏLXALQ OLIMPIYA KOMITƏSI (IOC)
ANTIDOPINQ QAYDALARININ TƏTBIQ OLUNMA MÜDDƏTI NƏ QƏDƏRDIR?

Beynəlxalq Olimpiya Komitəsinin (IOC) Antidopinq Qaydaları Olimpiya Kəndinin
açılış (18 iyul 2024-cü il) tarixindən Oyunların Bağlanış Mərasiminədək (11
avqust 2024-cü il) qüvvədədir.


OLIMPIYA OYUNLARI ZAMANI NÜMUNƏ TOPLAMA ÜZRƏ SƏLAHIYYƏT HANSI TƏŞKILATA AIDDIR?

Paris 2024 Təşkilat Komitəsi Olimpiya Oyunları zamanı Nümunə Toplama Səlahiyyəti
üçün cavabdehdir.


FRANSA MILLI ANTIDOPINQ AGENTLIYI (AFLD) OLIMPIYA OYUNLARI ZAMANI DOPINQ
NƏZARƏTI FƏALIYYƏTLƏRINDƏ HANSI ROLU OYNAYIR?

AFLD, Beynəlxalq Test Agentliyi (ITA) ilə sıx əməkdaşlıq edərək Olimpiya
Oyunlarından əvvəl və oyunlar zamanı Dopinq Nəzarəti fəaliyyətlərini həyata
keçirəcək.


2024 PARIS YAY OLIMPIYA OYUNLARI ZAMANI DOPINQ NƏZARƏTI FƏALIYYƏTLƏRINDƏ ƏSAS
ƏMƏKDAŞLIQ EDƏN TƏŞKILATLAR HANSILARDIR?

Əsas əməkdaşlıq edən təşkilatlara IOC, ITA, Paris 2024 Təşkilat Komitəsi və
Fransa Milli Antidopinq Agentliyi (AFLD) daxildir.


OYUNLAR ZAMANI ANTIDOPINQ QAYDA POZUNTUSU (AQP) AŞKAR EDILDIYI HALDA NƏTICƏLƏR
NƏDIR?

Əgər AQP aşkar edilərsə, ITA nəticələrin idarə edilməsi prosesini həyata
keçirəcək, o cümlədən CAS Antidopinq Bölməsinə müraciət edəcək. İdmançı
pozuntunun ciddiliyinə görə diskvalifikasiya və dayandırma daxil olmaqla
sanksiyalarla üzləşə bilər.

Daha ətraflı


© Copyright AMADA, 2024. All Rights Reserved.

Designed by AMADA