sima.az Open in urlscan Pro
5.191.242.3 Public Scan

Back to summary

Submitted URL:
http://sima.az/
Effective URL:
https://sima.az/
Submission: On April 30 via manual (April 30th 2023, 9:35:59 pm UTC) from AZ — Scanned from DE

Form analysis
0 forms found in the DOM

Text Content

UPDATE

SİMA artıq fərdi sahibkarların istifadəsində! Daha ətraflı ×

Məhsullar
SİMA
* Vətəndaş
* Fərdi Sahibkar

SİMA Token

Resurslar
Xəbərlər və kampaniyalar

Texniki sənədlər

Proqram təminatı

Haqqımızda
SİMA haqqında

Əlaqə

Tərəfdaş ol

Məxfilik siyasəti

* Tərəfdaş ol

SİMA RƏQƏMSAL HƏLLƏR PLATFORMASI

SİMA – elektron və rəqəmsal imza, rəqəmsal ödəniş və vaxt möhüründən ibarət
rəqəmsal həllər platformasıdır.

* İndi yüklə

YENI NƏSIL RƏQƏMSAL IMZA

SİMA – bulud, açıq açar və üztanıma texnologiyalarına əsaslanan yeni nəsil
gücləndirilmiş rəqəmsal imzadır. Mobil tətbiq əsaslı SİMA əlavə vasitələrə
ehtiyac olmadan, istənilən yerdən və istənilən zaman daha rahat şəkildə elektron
xidmətlər əldə etməyə imkan verir.

İndi yüklə

Ətraflı məlumat
Bütün məhsullar

ELEKTRON SƏNƏDLƏRINI SİMA TOKEN ILƏ IMZALA

SİMA Token – beynəlxalq təhlükəsizlik standartına uyğunlaşdırılmış, virtual
məkanda şəxsiyyəti müəyyənləşdirmə məqsədi üçün istifadə edilən gücləndirilmiş
elektron imzadır. Azərbaycan Respublikasının mövcud qanunvericiliyinə əsasən,
gücləndirilmiş elektron imza ilə imzalanan elektron sənədlər əl imzası ilə
imzalanan və möhürlənən sənədlərə bərabər tutulur.

Müraciət etƏtraflı məlumat
Bütün məhsullar

SİMA-NIN ÜSTÜNLÜKLƏRI

*
Tanınma

Sənədlərin və məlumatların mübadiləsi zamanı göndərən tərəfi birmənalı
müəyyən etmək mümkündür.

*
Məxfilik

SİMA Token ilə imzalanmış məlumat şifrələnmiş şəkildə göndərildiyi üçün
məxfiliyi təmin edilir.

*
Bütövlük

SİMA Token ilə imzalanmış elektron sənədin bütövlüyü qorunur.

*
Təkzibedilməzlik

Sənədi imzalayan şəxsin imzadan imtina etməsi mümkünsüzdür.

SİMA-NIN ÜSTÜNLÜKLƏRI

* Tanınma

Sənədlərin və məlumatların mübadiləsi zamanı göndərən tərəfi birmənalı
müəyyən etmək mümkündür.

* Məxfilik

SİMA Token ilə imzalanmış məlumat şifrələnmiş şəkildə göndərildiyi üçün
məxfiliyi təmin edilir.

* Bütövlük

SİMA Token ilə imzalanmış elektron sənədin bütövlüyü qorunur.

* Təkzibedilməzlik

Sənədi imzalayan şəxsin imzadan imtina etməsi mümkünsüzdür.

TƏRƏFDAŞLARIMIZ

“PAŞA Bank”ın əmək haqqı kartı sahibləri nağd pul krediti ilə bağlı sorğu
göndərərkən müvafiq sənədləri SİMA yeni nəsil rəqəmsal imza ilə təsdiqləyə
bilərlər.

“Yelo Bank” mobil tətbiqində qeydiyyatdan keçmək üçün SİMA yeni nəsil rəqəmsal
imzadan istifadə etmək mümkündür.

“Bakı Sığorta”dan “KASKO sığorta” və “Əmlak sığorta məhsullarında ipoteka
sığorta” məhsullarını SİMA yeni nəsil rəqəmsal imza ilə əldə etmək mümkündür.

“TuranBank” mobil tətbiq istifadəçiləri əmanətlərin yerləşdirilməsi üçün
müraciət edən zaman müvafiq sənədləri SİMA yeni nəsil rəqəmsal imza ilə imzalaya
bilərlər.

BOKT “AzKredit” mobil tətbiq istifadəçiləri nağd pul krediti üçün müraciət edən
zaman müvafiq sənədləri SİMA yeni nəsil rəqəmsal imza ilə imzalaya bilərlər.

SİMA vasitəsilə “PAŞA Həyat” müştəriləri “Həyatın Yaşam Sığortası” məhsulunu
əldə edə bilərlər.

“Qala Həyat” müştəriləri Şəxsi Kabinetə daxil olmaq və “Həyat Sığortası”
məhsullarını əldə etmək üçün SİMA-dan istifadə edə bilərlər.

“Qala Sığorta” saytında SİMA yeni nəsil rəqəmsal imza vasitəsilə Şəxsi Kabinetə
daxil olmaq mümkündür.

SİMA istifadəçiləri FINDOC-da qeydiyyatdan keçərək öz kredit məlumatlarına baxa
və Şəxsi Kabinetdə sənədlərini elektron qaydada imzalaya bilərlər.

Elektron sənədləri “Etik İmza” saytına yükləyib SİMA yeni nəsil rəqəmsal imza
ilə imzalamaq mümkündür.

SİMA yeni nəsil rəqəmsal imza ilə Azercell “Kabinetim” tətbiqində rəqəmsal kart
əldə etmək mümkündür.

SİMA vasitəsilə “ASAN Login” ilə 80-dən çox portal və sistemə giriş etmək
mümkündür.

SİMA imza vasitəsilə “Kredit Evi”ndə Lombard Krediti məhsulunu əldə etmək
mümkündür.

SİMA istifadəçiləri “Azərİşıq” ASC-ə yeni abonent olaraq qoşulmaq üçün müraciət
edə bilərlər.

“Bank BTB” müştəriləri istehlak məhsullarının əldə etmək üçün SİMA-dan istifadə
edə bilərlər.

ABB Mobile istifadəçiləri şəxsi məlumatların dəyişdirilməsi və debet kartının
sifarişi üçün SİMA-dan istifadə edə bilərlər.

“Embafinans” müştəriləri kreditin əldə edilməsi üçün SİMA-dan istifadə edə
bilərlər.

EPUL istifadəçiləri limitsiz pul köçürmələri və balans artımı, banklar,
mağazalar, ödəniş sistemləri və müxtəlif kateqoriyalar üzrə sürətli ödənişlər,
Azərbaycanın bütün bank kartlarına köçürmələri SİMA vasitəsilə edə bilərlər.

“Azercell”dən eSİM kartını sifariş etmək üçün vətəndaşlar SİMA-dan istifadə edə
bilərlər.

“InvestAZ” müştəriləri bank hesablarının üçün SİMA-dan istifadə edə bilərlər.

“Premium Bank” müştəriləri mobil tətbiq üzərindən plastik kart sifariş etmək
üçün SİMA-dan istifadə edə bilərlər.

Tərəfdaş ol

ELƏ INDI SİMA RƏQƏMSAL IMZAYA SAHIB OL!

Mobil tətbiqi yükləyin, 3 addımda imza əldə edin.
İndi yüklə

XƏBƏRLƏR

Bütün xəbərlər

SİMA YENI NƏSIL RƏQƏMSAL IMZA “VERGI VƏ MÜHASIBATLIQ ZIRVƏSI”NDƏ!

Rəqəmsal İnkişaf və Nəqliyyat Nazirliyinin tabeliyində olan “AzInTelecom” MMC
tərəfindən yaradılan SİMA yeni nəsil rəqəmsal imza 500-dən çox şirkət
əməkdaşının iştirak etdiyi “Vergi və Mühasibatlıq Zirvəsi”nə dəstək göstərir.

Martın 11-də “Baku Marriott Boulevard” hotelində keçiriləcək tədbirin sərgi
hissəsində SİMA yeni nəsil rəqəmsal imza təqdim ediləcək.

Tədbirdə iştirak edən qonaqlara və sərgi iştirakçılarına SİMA rəqəmsal imzanın
vətəndaşlara bu günədək təqdim etdiyi xidmətlər və sahibkarlar üçün nəzərdə
tutulan həll çərçivəsində göstəriləcək xidmətlər barədə ətraflı məlumat
veriləcək.

“Vergi və Mühasibatlıq Zirvəsi”ndə Azərbaycanın biznes, vergi, mühasibatlıq və
maliyyə sferasının qərarverici şəxsləri, ölkədə fəaliyyət göstərən yerli və
xarici şirkət rəhbərləri, səfirliklərin iqtisadi missiyası üzrə cavabdeh
şəxslərin iştirakı nəzərdə tutulur.

Tədbirin məqsədi yeniliklərin innovativ həlləri diktə etdiyi, paralel olaraq,
qanunların yeniliyini izlədiyimiz dövrdə mühasib peşəsinin gələcəyinin müzakirə
olunduğu platforma rolunu oynamaqdır.

Qeyd edək ki, bu günədək SİMA 20-yə yaxın tərəfdaşı vasitəsilə 100-dən artıq
rəqəmsal xidmətlərə giriş və istifadə imkanı yaradıb. Bir il ərzində SİMA mobil
tətbiqi 200 mindən çox istifadəçi tərəfindən yüklənilib.

Hazırda 12-si dövlət qurumu olmaqla, ümumilikdə 80-dən çox müəssisənin SİMA
rəqəmsal imza ilə inteqrasiyası davam etdirilir.

Rəqəmsal imzanın həm vətəndaşlar, həm də xidmət təklif edənlər üçün bir sıra
üstünlükləri var. Mobil tətbiqlə işləyən imzanın istənilən sistemə inteqrasiya
oluna bilməsi, eləcə də rəqəmsallaşdırılma istifadəçilər üçün sürətli və
istənilən sayda sənəd imzalama imkanı qazandırır. SİMA mobil tətbiqi qısa müddət
əvvəl təkmilləşdirilib, qeydiyyat prosesi daha da rahatlaşdırılıb.

Rəqəmsal xidmətlərə əlçatanlığı artıran SİMA rəqəmsal imza vasitəsilə ölkəmizdə
biznes prosesləri sürətləndirmək istiqamətində müvafiq tədbirlər davam
etdirilir.

SİMA rəqəmsal imza ilə bağlı daha ətraflı məlumatı https://sima.az/ saytından və
“157” Çağrı Mərkəzi ilə əlaqə saxlayaraq əldə etmək mümkündür.

10.03.2023

SİMA ILƏ “PREMIUM BANK” TƏRƏFDAŞ OLDU

Rəqəmsal İnkişaf və Nəqliyyat Nazirliyinin tabeliyində fəaliyyət göstərən
“AzInTelecom” MMC tərəfindən yaradılan SİMA – bulud əsaslı yeni nəsil rəqəmsal
imzanın tərəfdaş qurumların sistemlərinə inteqrasiya prosesi davam edir.

Növbəti inteqrasiya prosesi “Premium Bank”ın sistemində reallaşdı və beləliklə,
SİMA ilə sözügedən bank tərəfdaş oldu. Tərəfdaşlığa əsasən “Premium Bank”ın
mobil tətbiqi üzərindən plastik kartların sifarişi zamanı sənədlərin SİMA ilə
imzalanması mümkün oldu. Bu da müştərilərə banka gəlmədən, zaman itkisinə yol
vermədən müqavilələri imzalamağa imkan verir.

SİMA vasitəsilə bank xidmətləri ilə yanaşı, digər sahələr üzrə də elektron
xidmətlərdən yararlanmaq mümkündür. Bunlara rəqəmsal dövlət, BOKT, sığorta,
mobil operatorlar, elektronika, məişət, TV və internet provayderlər, bir sözlə,
imza tətbiq olunan bütün sahələr daxildir.

Yeni nəsil rəqəmsal imzanın həm vətəndaşlar, həm də xidmət təklif edənlər üçün
bir sıra üstünlükləri var. Maliyyə xərclərinin azaldılması və vaxt itkisinin
qarşısının alınması isə hər iki seqment üzrə xüsusi üstünlüklər yaradır. Bundan
əlavə, SİMA-nın istənilən sistemə inteqrasiya oluna bilməsi, eləcə də
avtomatlaşdırma istifadəçilər üçün sürətli və istənilən sayda imzalama imkanı da
qazandırır.

Mobil tətbiqlə işləyən imzanı əldə etmək üçün SİMA tətbiqini mobil cihaza
yükləmək və bir dəfə qeydiyyatdan keçmək kifayətdir. Rəqəmsal xidmətlərə
əlçatanlığı artıran imzanın ölkəmizdə biznes proseslərini sürətləndirəcəyi
gözlənilir.

SİMA rəqəmsal imza ilə bağlı daha ətraflı məlumatı şirkətin rəsmi saytından və
“157” “AzInTelecom” Zəng Mərkəzi ilə əlaqə saxlayaraq əldə edə bilərsiniz.

03.03.2023

İNVESTISIYA IMKANLARI SİMA ILƏ DAHA ƏLÇATAN OLDU

Rəqəmsal İnkişaf və Nəqliyyat Nazirliyinin tabeliyində fəaliyyət göstərən
“AzInTelecom” MMC-nin hazırladığı SİMA – bulud əsaslı yeni nəsil rəqəmsal
imzanın tərəfdaş qurumların sistemlərinə inteqrasiya prosesi davam edir.

Azərbaycan investisiya vasitəçiliyi bazarında fəaliyyət göstərən “InvestAz”
şirkəti SİMA-nın növbəti tərəfdaşı oldu. Bundan sonra “InvestAz” müştəriləri
yeni nəsil rəqəmsal imzanın imkanlarından yararlanaraq həm mobil tətbiq, həm də
veb-sayt üzərindən real hesab aça biləcəklər.

SİMA vasitəsilə digər sahələr üzrə də elektron xidmətlərdən yararlanmaq
mümkündür. Bunlara rəqəmsal dövlət, BOKT, sığorta, mobil operatorlar,
elektronika, məişət, TV və internet provayderləri, bir sözlə imza tətbiq olunan
bütün sahələr daxildir.

Yeni nəsil rəqəmsal imzanın həm vətəndaşlar, həm də xidmət təklif edənlər üçün
maliyyə xərclərinin azaldılması və vaxt itkisinin qarşısının alınması kimi bir
sıra üstünlükləri var. Bundan əlavə, SİMA-nın istənilən sistemə inteqrasiya
oluna bilməsi, eləcə də avtomatlaşdırma istifadəçilər üçün sürətli və istənilən
sayda imzalama imkanı da qazandırır.

İmzanı əldə etmək üçün SİMA tətbiqini mobil cihaza yükləmək və bir dəfə
qeydiyyatdan keçmək kifayətdir. Rəqəmsal xidmətlərə əlçatanlığı artıran imzanın
ölkəmizdə biznes proseslərini sürətləndirəcəyi gözlənilir.

SİMA ilə bağlı daha ətraflı məlumatı rəqəmsal imzanın rəsmi saytından və
“AzInTelecom”un “157” Zəng Mərkəzi ilə əlaqə saxlayaraq əldə edə bilərsiniz.

26.12.2022

SİMA ILƏ “MEQA HƏYAT SIĞORTA”DAN HƏYATIN YAŞAM SIĞORTASINI ƏLDƏ ET!

Rəqəmsal İnkişaf və Nəqliyyat Nazirliyinin tabeliyində olan “AzInTelecom” MMC
tərəfindən yaradılan SİMA yeni nəsil rəqəmsal imza sığorta sahəsində tərəfdaş
çevrəsini genişləndirməyə davam edir.

SİMA rəqəmsal imza artıq “Meqa Həyat Sığorta” ASC ilə inteqrasiya prosesini
yekunlaşdırıb. İndi vətəndaşlar sığorta şirkətinin portalında qeydiyyatdan
keçdikdən sonra şəxsi kabinet vasitəsilə Həyatın Yaşam Sığortası üzrə müraciət
edərkən “Fiziki şəxslərin vergi rezidentliyinin müəyyən edilməsi üçün
özünüqiymətləndirmə anketi”ni (FATCA/CRS) SİMA vasitəsilə rahat və çevik şəkildə
imzalaya biləcəklər.

SİMA ilə inteqrasiyadan əvvəl vətəndaşlar anketi kağız daşıyıcıda əllə
doldururdular. “Meqa Həyat Sığorta” şirkəti vətəndaşlara təqdim etdiyi bu
xidməti indi SİMA yeni nəsil rəqəmsal imza ilə elektronlaşdırıb.

Artıq sənədin SİMA vasitəsilə imzalanması vətəndaşların vaxtına, tərəfdaşların
isə xərclərinə qənaət etməsinə xidmət edəcək.

Qeyd edək ki, SİMA ilə “Meqa Həyat Sığorta” ASC-nin digər xidmətlər üzrə
inteqrasiya prosesi davam etdirilir. Növbəti mərhələdə “Kredit həyat sığortası”
məhsulu üzrə müraciətlərin SİMA ilə həyata keçirilməsi nəzərdə tutulur.

SİMA yeni nəsil rəqəmsal imzanın həm vətəndaşlar, həm də xidmət təklif edənlər
üçün bir sıra üstünlükləri var. Maliyyə xərclərinin azaldılması və vaxt
itkisinin qarşısının alınması isə hər iki seqment üzrə xüsusi üstünlüklər
yaradır. Bundan əlavə, SİMA-nın istənilən sistemə inteqrasiya oluna bilməsi,
eləcə də avtomatlaşdırma istifadəçilər üçün sürətli və istənilən sayda imzalama
imkanı da qazandırır.

SİMA rəqəmsal imza ilə bağlı daha ətraflı məlumatı “AzInTelecom”un rəsmi
saytından və “157” Zəng Mərkəzi ilə əlaqə saxlayaraq əldə edə bilərsiniz.

28.04.2023

ARTIQ FƏRDI SAHIBKARLAR DA SİMA IMZADAN ISTIFADƏ EDƏCƏKLƏR

Rəqəmsal İnkişaf və Nəqliyyat Nazirliyinin tabeliyində olan “AzInTelecom” MMC
tərəfindən yaradılan SİMA – bulud əsaslı yeni nəsil rəqəmsal imzanın fərdi
sahibkarlar üçün nəzərdə tutulan həlli hazırlanaraq istifadəyə verilib.

Artıq fiziki şəxs kimi VÖEN əsasında fəaliyyət göstərən sahibkarlar da SİMA
rəqəmsal imzanın təqdim etdiyi innovativ üstünlüklərdən yararlanmaqla xidmət
mərkəzlərinə getmək və növbələrdə vaxt itirmək kimi çətinliklərdən azad
olacaqlar.

Belə ki, SİMA mobil tətbiqində qeydiyyatdan keçib rəqəmsal imza əldə edən
vətəndaşlar daha sonra VÖEN-i daxil etməklə 3 illik ödənişsiz fərdi sahibkar
imza sertifikatı əldə edəcəklər.

Fərdi sahibkar imza sertifikatından istifadə etmək üçün aylıq, birillik və
üçillik olmaqla uyğun abunə tarifləri seçilə bilər. Abunə planının tarifi bir
aylıq 2.4 AZN, birillik 25 AZN və üçillik 55 AZN müəyyənləşdirilib.

SİMA yeni nəsil rəqəmsal imzanın sahibkar həllinin ilk istifadəçiləri güzəşt
kampaniyası çərçivəsində elan olunduqdan sonrakı bir ay ərzində “3AYPULSUZ”
promokodu ilə qeydiyyatdan keçərək üç aylıq abunə tarifini pulsuz əldə
edəcəklər.

SİMA yeni nəsil rəqəmsal imza sahibkarlara limitsiz sənəd imzalama, avtorizasiya
və imzalanmış sənədlərin həqiqiliyinin yoxlanılması imkanı verir.

Bununla da fərdi sahibkarlar banklar vasitəsilə kredit müraciəti, kart hesabının
açılması və digər əməliyyatları həyata keçirərkən, sığorta şirkətlərinin
istənilən xidmətindən yararlanarkən sənədləri SİMA ilə rahat və çevik şəkildə
imzalaya biləcəklər.

Eyni zamanda B2B (business-to-business – biznesdən biznesə) xidməti göstərən
sahibkarlar tərəfdaşlarına göndərəcəkləri, yaxud qarşı tərəfdən daxil olan
istənilən sənədləri SİMA ilə imzalaya biləcəklər.

B2C (business-to-citizen – biznesdən vətəndaşa) xidməti göstərən fərdi
sahibkarlar istehlakçılara göstərilən xidmətlə bağlı təsdiqləyəcəkləri sənədləri
SİMA rəqəmsal imza ilə imzalayacaqlar.

Qeyd edilən prosesləri həyata keçirmək üçün fərdi sahibkarlar kommersiya
qurumlarından müvafiq sənədi istənilən kommunikasiya alətləri vasitəsilə əldə
edib SİMA mobil tətbiqində imzalayaraq eyni üsulla geri göndərə biləcəklər. Eyni
proses B2B (biznesdən biznesə) və B2C (biznesdən vətəndaşa) xidmətlərindən
yararlanarkən də keçərlidir.

SİMA yeni nəsil rəqəmsal imza fərdi sahibkarlar üçün B2G (business-to-government
– biznesdən dövlətə) xidmətləri üzrə də çoxşaxəli imkanlar yaradır.

Fərdi sahibkarlar “ASAN Login” Vahid Giriş Sisteminə SİMA rəqəmsal imza ilə
daxil olaraq aşağıdakı portallara giriş əldə edirlər:

E-customs portalında:

– İdxal olunan məhsulların bəyan edilməsi;

– Şəxsi hesab e-vərəqəsinə giriş.

E-gov portalında:

– Dövlət elektron xidmətlərindən istifadə (37 portala giriş).

Əmək Münasibətləri və Məşğulluq altsistemində:

– Əmək bildirişlərinin əlavə edilməsi.

Lisenziyalar və icazələr portalında:

– İcazələr və lisenziyalar üzrə müraciətlərin göndərilməsi.

Hazırda SİMA rəqəmsal imzanın fərdi sahibkarlar üçün nəzərdə tutulan həllinin
digər dövlət qurumlarının elektron sistemlərinə və portallarına inteqrasiyası
ilə bağlı texniki işlər davam etdirilir.

Ümumiyyətlə, SİMA vasitəsilə imza tələb olunan bütün elektron xidmətlərdən
yararlanmaq mümkündür.

Artıq elektron imza əldə etmək üçün xidmət mərkəzlərindən asılılığa son qoyulur.
Bununla da ölkənin istənilən nöqtəsində yaşayan və internetə çıxış imkanı olan
hər bir vətəndaş və fərdi sahibkarlıq fəaliyyəti göstərən hər kəs olduğu yerdən
elektron dövlət xidmətlərindən yararlanmış olacaq.

Bu imkan vətəndaş məmnuniyyətinin yüksəldilməsinə, fərdlərin rəqəmsal hökumət
konseptindəki rolunun daha da aktivləşməsinə və fərdi sahibkarlıq subyektlərinin
fəaliyyətinin daha da sadələşməsinə səbəb olacaq.

Rəqəmsal xidmətlərə əlçatanlığı artıran imzanın ölkəmizdə biznes proseslərini
sürətləndirəcəyi gözlənilir.

SİMA ilə bağlı daha ətraflı məlumatı rəqəmsal imzanın sima.az rəsmi saytından və
“157” “AzInTelecom” Zəng Mərkəzi ilə əlaqə saxlayaraq əldə edə bilərsiniz.

27.04.2023

SİMA ILƏ ABB-DƏN DEBET KARTINI ANINDA SIFARIŞ EDIN!

Rəqəmsal İnkişaf və Nəqliyyat Nazirliyinin tabeliyində olan “AzInTelecom” MMC
tərəfindən yaradılan SİMA-nın tərəfdaşı olan Azərbaycan Beynəlxalq Bankı (ABB)
yeni nəsil rəqəmsal imza vasitəsilə təqdim etdiyi xidmətləri genişləndirməyə
davam edir.

İndi vətəndaşlar “ABB mobile” tətbiqində yeni debet kart sifarişini SİMA yeni
nəsil rəqəmsal imza ilə cəmi bir neçə saniyəyə həyata keçirəcəklər.

SİMA imza həlli ilə müqavilələrin imzalanması zamanı əlavə məlumatlar daxil
etməyə ehtiyac qalmır. Bu zaman kart sifarişi daha da rahat və sürətli keçir.
İstənilən debet kartını anında sifariş etmək mümkün olur.

Daha əvvəl həyata keçirilən inteqrasiya nəticəsində isə “ABB Mobile”
istifadəçiləri şəxsi məlumatlarını SİMA yeni nəsil rəqəmsal imza vasitəsilə
anında dəyişə bilirlər.

SİMA rəqəmsal imza ilə bağlı daha ətraflı məlumatı şirkətin rəsmi saytından və
“157” “AzInTelecom” Zəng Mərkəzi ilə əlaqə saxlayaraq əldə edə bilərsiniz.

17.04.2023

SİMA VASITƏSILƏ XARICI VƏTƏNDAŞLARA DA RƏQƏMSAL IMZANIN VERILMƏSI PLANLAŞDIRILIR

Rəqəmsal İnkişaf və Nəqliyyat Nazirliyinin tabeliyində olan “AzInTelecom”
MMC-nin nümayəndələri Azərbaycan və Rusiya Federasiyasının paytaxtlarında
paralel olaraq canlı bağlantı formatında keçirilən “MOSKVA – BAKI: informasiya
texnologiyaları sahəsində əməkdaşlıq” biznes konfransında iştirak ediblər.
Tədbirin keçirilməsində məqsəd Azərbaycan və Rusiyanın informasiya
texnologiyaları sahəsində innovasiyaların inkişafı üçün birgə addımlar atmaq
idi. Hər iki ölkədə fəaliyyət göstərən şirkətlər və təşkilatlar arasında
innovasiya və yüksək texnologiyalar sahəsində əməkdaşlığın inkişafına həsr
olunan konfransda rəsmi nümayəndələr, eləcə də texnologiya və ticarət sahəsi
üzrə strateji şirkətlərin rəhbərləri iştirak ediblər.

Konfrans zamanı “AzInTelecom” MMC-nin Kommersiya departamentinin Məhsul və
xidmətlər şöbəsinin müdiri Fərrux Fərəcullayev şirkətin təqdim etdiyi rəqəmsal
həllər barəsində ətraflı məlumat verib. Bildirib ki, “AzInTelecom” MMC-nin
hazırladığı rəqəmsal məhsullar vətəndaşların və təşkilatların həyata keçirdiyi
proseslərin çevik və rahat formada icra edilməsini təmin edir. Həmçinin şirkətin
tətbiq etdiyi müasir informasiya texnologiyaları və bulud həlləri Azərbaycanın
dövlət strukturlarının və cəmiyyətin rəqəmsal transformasiyasını sürətləndirir.

F.Fərəcullayev qeyd edib ki, “AzInTelecom” MMC-nin bir il əvvəl istifadəyə
verdiyi SİMA mobil tətbiqi 300 mindən çox istifadəçi tərəfindən yüklənilib:
“Hazırda istifadə edilən həll vətəndaşlar üçün nəzərdə tutulan rəqəmsal imzadır.
Yaxın müddətdə SİMA-nın fərdi sahibkarlar üçün həllinin də istifadəyə verilməsi
planlaşdırılır. Növbəti mərhələdə isə hüquqi şəxslər və dövlət qurumları üçün
SİMA rəqəmsal imza həllinin istifadəyə verilməsi nəzərdə tutulur. SİMA həlli
vasitəsilə Azərbaycana qanuni əsaslarla miqrasiya etmiş xarici vətəndaşlara da
rəqəmsal imzanın verilməsi planlaşdırılır. Bu günədək SİMA yeni nəsil rəqəmsal
imzanın 20-dən çox tərəfdaşı ilə bir neçə xidmətin inteqrasiyası yekunlaşıb.
Hazırda 12-si dövlət qurumu olmaqla, ümumilikdə 80-dən çox müəssisənin SİMA
rəqəmsal imza ilə inteqrasiyası davam etdirilir”.

Fərrux Fərəcullayev, həmçinin SİMA brendi adı altında hazırlanan digər rəqəmsal
məhsullar haqqında da məlumat verib. Qeyd edib ki, SİMA rəqəmsal platforması
çərçivəsində biometrik ödənişlər, biometrik giriş sistemi, rəqəmsal möhür və
digər rəqəmsal məhsullar hazırlanır və plana uyğun olaraq cəmiyyətə təqdim
ediləcək.

Daha sonra “AzInTelecom” MMC-nin İnformasiya təhlükəsizliyi departamentinin şöbə
müdiri Fərid İsmayılzadə şirkətin təqdim etdiyi rəqəmsal məhsul və xidmətlərin
təhlükəsizliyi, məlumatların qorunması barədə məlumat verib.

Konfrans zamanı biznes və dövlət orqanlarının nümayəndələri tərəfindən bir sıra
innovativ və əsas infrastruktur layihələri təqdim edilib, maraqlı tərəfdaşlarla
danışıqlar aparılıb.

14.04.2023

SİMA ILƏ “EPUL” SISTEMINDƏ LIMITSIZ KÖÇÜRMƏ VƏ ÖDƏNIŞLƏR EDIN

Rəqəmsal İnkişaf və Nəqliyyat Nazirliyinin tabeliyində olan “AzInTelecom” MMC
tərəfindən yaradılan SİMA – bulud əsaslı yeni nəsil rəqəmsal imzanın tərəfdaş
qurumların sistemlərinə inteqrasiya prosesi davam edir.

SİMA yeni nəsil rəqəmsal imzanın ilk ödəniş sistemi tərəfdaşı “EPUL” onlayn
ödəmə sistemi olub. Artıq “EPUL” mobil tətbiqində və epul.az veb-saytında
qeydiyyatı tamamlayan vətəndaşlar SİMA ilə identifikasiyadan keçərək bir sıra
məhdudiyyətlərdən azad olacaqlar.

SİMA ilə şəxsiyyətini təsdiqləyən vətəndaşlar identifikasiyadan keçməyən
istifadəçilərdən fərqli olaraq limitsiz pulköçürmələri, limitsiz balans artımı
edəcək, həmçinin banklar, mağazalar, ödəniş sistemləri və digər bütün
kateqoriyalar üzrə sürətli ödəniş həyata keçirə biləcəklər. Eyni zamanda pul
kisəsi hesabından Azərbaycanın bütün bank kartlarına köçürmələr də mümkündür.

SİMA rəqəmsal imza ilə bağlı daha ətraflı məlumatı şirkətin rəsmi saytından və
“157” “AzInTelecom” Zəng Mərkəzi ilə əlaqə saxlayaraq əldə edə bilərsiniz.

03.04.2023

“AZINTELECOM” MMC SİMA ILƏ BAĞLI BANKLARLA GÖRÜŞ KEÇIRIB

Rəqəmsal İnkişaf və Nəqliyyat Nazirliyinin tabeliyində olan “AzInTelecom”
MMC-nin təşkilatçılığı ilə “SİMA – istifadə sahələri, inkişaf perspektivləri və
hüquqi aspektlər” mövzusunda işgüzar görüş keçirilib.

Tədbir “AzInTelecom” MMC tərəfindən hazırlanan SİMA – bulud əsaslı yeni nəsil
rəqəmsal imzanın maliyyə sahəsində tətbiqi, hüquqi yanaşmalar, digər istifadə
sahələri və rəqəmsal transformasiya fonunda SİMA ilə bağlı gələcək planlara həsr
olunub. Görüşdə Azərbaycan Respublikası Mərkəzi Bankının və ölkədə fəaliyyət
göstərən 23 bankın məsul şəxsləri iştirak edib.

Tədbiri giriş sözü ilə açan “AzInTelecom” MMC-nin İdarə Heyətinin sədri
vəzifəsini müvəqqəti icra edən Elxan Əzizov SİMA yeni nəsil rəqəmsal imzanın
cari tərəfdaşları və bu inteqrasiyalar nəticəsində vətəndaşlara təqdim edilən
xidmətlər haqqında ətraflı məlumat verib.

Elxan Əzizov bildirib ki, SİMA yeni nəsil rəqəmsal imzanın tərəfdaş qurumların
sisteminə inteqrasiyası ilə bağlı intensiv işlər aparılır: “Hazırda 12-si dövlət
qurumu olmaqla, ümumilikdə 80-dən çox müəssisənin SİMA rəqəmsal imza ilə
inteqrasiyası davam etdirilir. SİMA-nın üstünlüklərinin, xüsusilə əlçatanlığının
həm xidmət təqdim edənləri, həm də vətəndaşları rəqəmsal xidmətlərdən istifadəyə
təşviq etdiyinin və vətəndaş məmnunluğunu artırdığının şahidi oluruq”.

Qeyd edilib ki, SİMA-nın tətbiqi benefisiarlar üçün yeni imkanlar yaratmaqla
yanaşı, həm də cari imkanları əvvəlkindən daha əlçatan edir. Mobil tətbiqlə
işləyən imzanın istənilən sistemə inteqrasiya oluna bilməsi, eləcə də
rəqəmsallaşdırılma istifadəçilər üçün sürətli və istənilən sayda sənəd imzalama
imkanı qazandırır. SİMA mobil tətbiqi qısa müddət əvvəl təkmilləşdirilib,
qeydiyyat prosesi daha da rahatlaşdırılıb. SİMA yeni nəsil rəqəmsal imza
vətəndaşlarımızın rəqəmsal transformasiya prosesindən daha çox faydalanmasını
təmin etmək üçün hər gün inkişaf etdirilir.

“AzInTelecom” MMC-nin əməkdaşı, SİMA üzrə məhsul sahibi Tamerlan Məşədihəsənli
“SİMA – yeniliklər, bazardakı çətinliklər və gələcək planlar” mövzusunda
təqdimat edərək fikirlərini bölüşüb.

“AzInTelecom” MMC-nin Hüquq və sənədlərə nəzarət departamentinin bölmə rəhbəri
Günel Əlizadə “SİMA – gücləndirilmiş imza. Hüquqi aspektlər” mövzusunda çıxış
edərək rəqəmsal imzanın tətbiqinin hüquqi əsasları ilə bağlı rəy bildirib.

Panel müzakirələrinin gedişatında “PAŞA Bank”ın Rəqəmsal məhsullar bölməsinin
rəhbəri Şəhla Məmmədova “SİMA-nın bank məhsullarında istifadəsi. “PAŞA Bank”
təcrübəsi” mövzusunda çıxış edib.

Şəhla Məmmədova qeyd edib ki, SİMA ilə inteqrasiyadan sonra aparılan analizlər
nəticəsində məlum olub ki, rəqəmsal imza ilə çevik şəkildə həyata keçirilən
proseslər nəticəsində kredit vermə müddəti 3 dəfə azalıb.

Bankın nümayəndəsi, həmçinin bildirib ki, SİMA yeni nəsil rəqəmsal imzanın
tətbiqi ilə müştəri itkisi göstəricisi 2 dəfə azalıb. Yekunda “PAŞA Bank” ilə
əməkdaşlığın nəticəsi olaraq, SİMA yeni nəsil rəqəmsal imzanın daha yaxşı
istifadəçi təcrübəsinin formalaşmasındakı və müştəri məmnuniyyətinin
artmasındakı rolu vurğulanıb.

Görüşdə iştirakçıların sualları cavablandırılıb.

Qeyd edək ki, vətəndaş məmnuniyyətinin yüksəldilməsi və fərdlərin rəqəmsal
hökumət konseptindəki rolunun daha da aktivləşdirilməsi məqsədilə SİMA yeni
nəsil rəqəmsal imza vasitəsilə ölkənin istənilən nöqtəsində yaşayan və internetə
çıxış imkanı olan hər bir vətəndaşın olduğu yerdən rəqəmsal dövlət
xidmətlərindən faydalanması təmin edilir.

Rəqəmsal xidmətlərə əlçatanlığın artırılmasına töhfə verən SİMA rəqəmsal imzanın
inkişafı məqsədilə təkmilləşdirmə və yeni imkanların əlavə edilməsi
istiqamətində müvafiq işlər davam etdirilir.

16.03.2023

SİMA YENI NƏSIL RƏQƏMSAL IMZA “VERGI VƏ MÜHASIBATLIQ ZIRVƏSI”NDƏ TƏQDIM EDILDI

Bu gün keçirilən tədbirin sərgi hissəsində SİMA yeni nəsil rəqəmsal imza təqdim
edilib.

Tədbirdə iştirak edən qonaqlara və sərgi iştirakçılarına SİMA rəqəmsal imzanın
vətəndaşlar üçün bu günədək təqdim etdiyi xidmətlər barədə ətraflı məlumat
verilib.

Eyni zamanda yaxın günlərdə istifadəyə verilməsi planlaşdırılan SİMA rəqəmsal
imzanın sahibkarlar üçün nəzərdə tutulan həlli çərçivəsində göstəriləcək
xidmətlər haqqında da şirkət rəhbərlərinə və mühasiblərə məlumat verilib.

Qeyd edilib ki, fərdi sahibkarlar banklar vasitəsilə kredit müraciəti, kart
hesabının açılması və digər əməliyyatları həyata keçirərkən, sığorta
şirkətlərinin istənilən xidmətindən yararlanarkən sənədləri SİMA ilə rahat və
çevik şəkildə imzalaya biləcəklər.

Eyni zamanda B2B (business-to-business – biznesdən-biznesə) xidməti göstərən
sahibkarlar tərəfdaşlarına göndərəcəkləri, yaxud qarşı tərəfdən daxil olan
istənilən sənədləri SİMA ilə imzalaya biləcəklər.

SİMA yeni nəsil rəqəmsal imza fərdi sahibkarlar üçün B2G (business-to-government
– biznesdən dövlətə) xidmətləri üzrə də çoxşaxəli imkanlar yaradacaq.

Fərdi sahibkarlar “ASAN Login” Vahid Giriş Sisteminə SİMA rəqəmsal imza ilə
daxil olaraq portallara giriş əldə edəcəklər.

Tədbirdə Azərbaycanın biznes, vergi, mühasibatlıq və maliyyə sferasında
fəaliyyət göstərən qərarverici şəxslər, ölkədə fəaliyyət göstərən yerli və
xarici şirkət rəhbərləri, səfirliklərin iqtisadi missiyası üzrə cavabdeh şəxslər
iştirak edib.

Qeyd edək ki, bu günədək SİMA 20-yə yaxın tərəfdaşı vasitəsilə 100-dən artıq
rəqəmsal xidmətə giriş və istifadə imkanı yaradıb. Bir il ərzində SİMA mobil
tətbiqi 200 mindən çox istifadəçi tərəfindən yüklənilib.

Hazırda 12-si dövlət qurumu olmaqla, ümumilikdə 80-dən çox müəssisənin SİMA
rəqəmsal imza ilə inteqrasiyası davam etdirilir.

Rəqəmsal xidmətlərə əlçatanlığı artıran SİMA rəqəmsal imza vasitəsilə ölkəmizdə
biznes prosesləri sürətləndirmək istiqamətində müvafiq tədbirlər davam
etdirilir.

SİMA rəqəmsal imza ilə bağlı daha ətraflı məlumatı https://sima.az/ saytından və
“157” Çağrı Mərkəzi ilə əlaqə saxlayaraq əldə etmək mümkündür.

13.03.2023